"۲۰۱۸-جی ایلین ۱۰ ان یاخشی کیتابیندان بیری"سئچیلن، بیلل قیتسین "الهام وئریجی اثردیر" دئدیی، اوبامانین "محتشم!" آدلاندیردیغی تارا اوئستووئرین "طلبه" ممواری یازارینین ایلک قلم تجروبه‌سی اولماسینا باخمایاراق، اوخوجولار طرفیندن شوخ سئویله‌ن عبرت آمیز بیر حیات حکایه‌سی‌دیر.

Kult.az بیلدیریر کی، تارا اوستووئر ۱۹۸۶-جی ایلده آمریکانین آیدوها ایشتاتیندا آنادان اولوب.

تارا ۲۰۰۸-جی ایلده بریگام یانق اونیورسیتتینین باکالاور پیلله‌سینی بیتیریب. ۲۰۱۰-جو ایلده علمی ایشچی کیمی هاروارد اونیورسیتتینه دعوت اولونوب، ۲۰۱۴-جو ایلده ایسه کمبریج‌ده تاریخ علملری اوزره فلسفه دوکتورو علمی درجه‌سینی قازانیب.

هئچ واخت مکتبه گئتمه‌یه‌ن، یالنیز یازیب اوخوماغی باجاران ۱۶ یاشلی بیر قیز بیرباشا عالی مکتبه قبول اولور! بس، او بونا نئجه نایل اولوب؟

تارا کیچیک دینی ائتنیک گروپا منسوب اولان ۶ اوشاقلی عائله‌نین ۲ قیز اؤولادیندان بیریدیر. او، اوشاقلارینی مدافعه ائتمکدن، قوروماقدان عاجیز اولان تورکه‌چاره‌چی آنایا، اولادلارینین تهلوکسیزلیینی، ساغلاملیغینی، تحصیلینی ذره قدر دوشونمه‌یه‌ن جاهل، موهوماتچی، خسته‌روحلو آتایا، دایم فیزیکی و معنوی زوراکیلیق تطبیق ائد‌ن بؤیوک قارداشا صاحب اولوب. کیتابی اوخودوقجا تارانین ۱۶ یاشینا کیمی مکتبه گئتمه‌مه‌سیندن داها چوخ اونون بؤیودویو عائله اینسانی اورکودور.

آتاسینین ماشین اعمالاتخاناسیندا اوشاقلیقدان فهله کیمی ایشله‌یه‌ن، هر آن اؤلومله، تهلوکه ایله اوز-اوزه گلن بالاجا قیزجیغازین آرزولاری، خیاللاری هئچ کسی ماراقلاندیرمیردی.

تارا نینکی مکتبه، حتی حکیمه و یا هر هانسی باشقا دولت گرومونا دا گئتمه‌ییب. اونون موجودلوغونو ثبوت ائد‌ن رسمی سندی بئله یوخدور.

نورمال چئوره‌یه مالیک اولدوقدان سونرا تارا آرتیق درک ائدیر کی، عائله‌سیندن، اونا قویولان قاداغالاردان قورتولمالیدیر. کوللریندن یئنی‌دن دوغولمالیدیر. سئچیمینی ائتمه‌لی، تحصیلی اوچون او عائله‌سینی قربان وئرمه‌لیدیر.

"آنام منه اینانمایاندا من ده اؤزومه اینانماقدان واز کئچدیم" سؤزو ایله تارا سؤیکه‌نه‌جک سون اومید یئرینی ایتیردیینی چوخ گؤزل ایفاده ائدیب.

افغانیستان‌دا، پاکستان‌دا یوخ، اوزاق آمریکادا دا قارشیمیزا چیخان "قادین سوسار، جواب قایتارماز"، "قادین ارینه قارشی چیخماز" شعورو تارانین آناسینین و اولادلارینین حیاتینی، گلجیینی محو ائتمه حدینه چاتدیریر.

یوخاری‌دا قید اولونانلار تارانین نئجه چتین شرایط‌ده تحصیل آلدیغینین ثبوتودور. بیز بورادا تحصیلین بیر قیزی مثبت معنادا نئجه دییشدیردیینین، نلری قازاندیردیغینین، هانسی اوغورلارین قاپیلارینی آچدیغینین شاهدی اولوروق. بو اوغور تکجه تحصیل باخیمین‌دان دئییل، فردی انکشاف، اؤزونودرک، اؤزونه‌اینام باخیمیندان دا چوخ اهمیتلیدیر.

«اؤزونوزو عقلی کؤله‌لیکدن قورتارین. اؤزونوزدن باشقا هئچ کس شعورونوزو آزاد ائده بیلمز".

تارانین نئجه دییشدیینین شاهدی اولماق اوچون ایسه "طلبه"نی اوخومالیسینیز.

کیتاب اوزون مدت یادداشلاردا ایز بوراخاجاق اونودولماز اثرلردیر. والیدینلر و یئنی‌یئتمه‌لر اوچون ایسه بو کیتاب خصوصاً فایدالی اولاجاق.