عباس صحت آذربایجان ادبی-اجتماعی فیکری تاریخینده هر شئی‌دن اؤنجه شاعر، ترجمه‌چی، شعر نظریه‌چی‌سی و ناثر کیمی قالیب. علمه، تحصیله، معاریفه چاغیریش اونون یارادیجیلیغیندان قیرمیزی خط کیمی کئچیر. آزادلیغی بشریتین ان گؤزل معنوی نعمتی حساب ائدیر، بوتون خالقلارین فیراوانلیغینی و خوشبختلیینی اونلارین آزاد-حر یاشاماسیندا گؤروردو.

بو سؤزلری Kult.az-آ آجیقلاماسین‌دا باکی دولت اونیورسیتتینین معلمی، فیلولوگییا علملری دوکترو، پروفسور آللاهوئردی مممدلی دئییب.

او، صحتین حیات و یارادیجیلیغیندان دانیشیب:

«اورتا مکتب ایللرینده «وطنی سئومه‌یه‌ن اینسان اولماز، اولسا دا، اول کسده ویجدان اولماز» شعری ایله یادداشیمیزدا قالان عباس صحت آذربایجانین ادبی شعر مکتبینین بانیلریندن بیریدیر. ۱۸۷۴-جو ایلده شاماخیدا روحانی عائله‌سینده دونیایا گلیب، عالی تحصیلینی ایسه ایراندا تهران طب اونیورسیتتین‌ده آلان شاعر وطنه قاییتدیقدان سونرا هم حکیم، هم ده معلم کیمی فعالیت گوستریب.

مشهد و تهران شهرلرینده طب تحصیلی آلسا دا، عباس صحت روس ایداره‌چیلرینین ایران منشأ‌لی دیپلومونو تانیماماسی سببی ایله حکیم‌لیک صنعتیندن اوزاقلاشیب، مکتبلرده آذربایجان دیلی و شریعت درسلری دئییب».

او، عباس صحتین یارادیجیلیق ارثینین تام اؤیرنیلمدیینی بیلدیریب:

«ائوینین یانماسی نتیجه‌سینده بیر چوخ اثرلری محو اولور. ۱۹۱۸-جی ایلده عباس صحت ایفلیج اولاراق گنجه خسته‌خاناسیندا وفات ائدیر و گنجه قبیریستانلیغیندا دفن ائدیلیر. عباس صحت یارادیجیلیغی، معاریفچیلیک میسییاسینی اوغورلا حیاتا کئچیرمه‌سی، شخصیتی، فاجعه‌لی حیاتی نه قدر اؤیرنیلسه ده، یئنه ده کیفایت ائتمیر».

آللاهوئردی مممدلی عباس صحتین یارادیجیلیغینا نظامی، حافظ، سعدی کیمو شاعرلرین تأثیری اولدوغونو وورغولاییب:

«بو گون آذربایجان ادبیاتینین گؤرکملی نماینده‌سی، تانینمیش شاعر، حکیم، گؤرکم‌لی معلم و معاریف خادیمی عباس صحتین وفاتین‌دان ۱۰۵ ایل اؤتور.

کؤنلومون سئوگیلی محبوبو منیم،

وطنیم‌دیر، وطنیم‌دیر، وطنیم.

منی خلق ائیلمیش اولجه خودا

سونرا وئرمیش وطنیم نشو نما.

وطنیم وئردی منه نان و نمک،

وطنی، منجه، اونوتماق نه دئمک ؟!

آنادیر هر کیشییه اؤز وطنی،

بسله‌ییب سینه‌سی اوستونده اونو - دئیه‌ن شاعر، شعرین هر میصراعسین‌دا وطن مفهومونون اینسان حیاتی اوچون نه قدر واجیب اولدوغو اثبات اولونور. اگر وطن مؤوضوسوندا یازیلان بوتون شعرلر بیر یئره توپلانیلسای‌ی، هئچ شبهه‌سیز کی، بو شعر اونلارین شاهی اولاردی.

عباس صحتین یارادیجیلیغیندا نظامی، حافیظ، سعدی کیمی شاعرلرین بؤیوک تأثیری دویولور. تورک خالقلارینین ادبیاتلاری ایله ده یاخیندان ماراقلانیر، خصوصیله توفیق فکرت یارادیجیلیغینا رغبت بسلییردی. دؤورو مطبوعاتداکی چیخیشلاری آراسیندا بؤیوک آذربایجان شاعری، عزیز دوستو و مسلکداشی میرزا علکبر صابیر حاقین‌دا مقاله‌لری خصوصی یئر توتوردو».

قید ائدک کی، عباس صحت ۱۹۱۸-جی ایل ایولون ۱۱-ده گنجه‌ده وفات ائدیب.