ایران کینو و تلویزییاسینین ان تانینمیش سیمالاریندان اولان افسانه بایگان صحنه‌دن بیردفعه‌لیک اوزاقلاشیب.

Kult.az خبر وئریر کی، آکتریسا بو باره‌ده اؤزونون سوسیال مئدیا حسابیندا پایلاشیم ائدیب.

اعتراضچی صنعت‌چی حاضردا ایران‌دا کینو، عمومیتله صنعت عالمینین حرمتسیزلشدیریلدیینی یازیب، عمرونون بوندان سونرا قالان حیصه‌سینی غضب و کیندن اوزاق، دینج شکیلده یاشاماق ایستدیینی بیلدیریب.

افسانه بایگان، همچینین، اؤزونون سئچدیی گئییم طرزینه گؤره حاکمیت طرفیندن آغیر تضییق و اتهاملارا معروض قالدیغینی سؤیله‌ییب.

"بوتون بونلارا باخمایاراق، اؤلکه‌دن گئتمک فیکریم یوخدور. خالقین کدرلی و سئوینجلی گونلرینده اونلارلا بیر یئرده اولماغی سئچمیشم. ایستییم ظلمه معروض قالان کدرلی اینسانلارین آزاجیق دا اولسا غملرینی داغیتماقدان عبارت اولوب. صحنه‌دن گئتمک اجتماعی مسئولیتلریمدن ایمتینا ائتمک آنلامینا گلمز"،- بایگان قید ائدیب.

خاطیرلاداق کی، ایولون ۵-ده تهران محکمه‌سی افسانه بایگانی چاغیراراق، اونون یایلیق باغلامادان پاپاق تاخاراق تئاترا گئتمه‌سینه گؤره آکتریسایا قارشی اتهام ایر‌لی سوروب.

افسانه بایگان سون ۴۰ ایلده ایران کینوسونون ان مشهور سیمالاریندان بیری و وطنداشلار طرفیندن ان چوخ سئویلن صنعت آدامیدیر.

او، خصوصیله ۲۰۲۲-جی ایلین سنتیابریندا باشلایان اعتراض آکسییالاریندا ناراضیلارا دستک وئریب، حاکمیتین رپرسییالارینی پیسلدیی اوچون حکومت طرفیندن تضییقلره معروض قالیب.