بو گون معاصر آذربایجان بسته‌کارلیق مکتبینین سیمالاریندان اولان روح‌انگیز قاسیمووانین ۸۳-جو دوغوم گونودور.

موسیقی مدنیتیمیزه محتشم تهفه‌لر وئرن روح‌انگیز قاسیمووا بو گون ده اینجه‌صنعت خادیملری، موسیقی‌چیلر طرفیندن خاطیرلانیر، یاراتدیغی موسیقیلر اونودولمور.

Kult.az خبر وئریر کی، او، ۱۲ ایول ۱۹۴۰-جی ایلده باکی‌دا آنادان اولوب.

خانیم بسه‌تکار آصف زینال‌لی آدینا موسیقی مکتبینین، حاجی‌بیلی آدینا آذربایجان دولت کنسرواتورییاسینین بسته‌کارلیق فاکولته‌سینین (پروفسور جودت حاجییئوین صینفی اوزره) معزونو اولوب. اوزون مدت آذربایجان دولت تلویزییا و رادیو وئریلیشلری ق.س.ج-ده، «آذربایجان‌تله‌فیلم»ده سس رژیسورو، بسته‌کار کیمی چالیشیب.

آذربایجان بستکارلار اتفاقینین عضوو اولان روح‌انگیز قاسیمووا سیمفونیک، ووکال-اینسترومنتال اثرلر، مختلیف تاماشالارا، کینوفیلملره موسیقی بسته‌له‌ییب.

او، ادبی فعالیتله ده مشغول اولوب، حکایه‌لری «ادبیات و اینجه‌صنعت» قزئتینده، «آذربایجان»، «اولدوز» ژورناللاریندا درج اولونوب. «بابامین موزئیی» آدلی کیتابین مؤلفی‌دیر.

روح‌انگیز قاسیمووا آذربایجاندا ایلک دفعه چکیلمیش «دانیشان ایشیقلار» جیزگی فیلمینین بسته‌کاری، فیکرت قوجا، بختیار واهابزاده، م. اوروجون و اؤزونون شعرلری اساسیندا چوخسایلی ماهنیلارین، ماهنی سیلسیله‌لرینین («قاراباغ بایاتیلاری»، «تبریزیم»)، سس ایله استرادا-سیمفونیک اورکستری اوچون «خالقین سنینله‌دیر، ظفر سنیندیر» ماهنی‌سینین و س. اثرلرین مؤلفی‌دیر.

تانینمیش بسته‌کار میللی موسیقی صنعتی ساحه‌سین‌ده‌کی نائیلیتلرینه گؤره ۲۰۰۵-جی ایلده آذربایجان رسپوبلیکاسینین «امکدار اینجه‌صنعت خادمی» فخری آدینا لاییق گؤرولوب.

روح‌انگیز قاسیمووا ۲۰۲۲-جی ایل اوکتیابرین ۹-دا دونیاسینی دییشیب.