تورکییه‌ده کئچیریله‌جک گونئی آذربایجان مدنیت و اینجه‌صنعت فستیوالینین «اورمو گئجه‌سی» پروگرامین‌دا اشتراک ائد‌جک صنعتچیلرین آدلاری بللی اولدو. بیر چوخو تانینمیش صنعتکاردیر.

بو سؤزلری Kult.az-آ فستیوالین تشکیلاتچیسی، تورکییه‌ده گونئی آذربایجان مدنیت مرکزینین رهبری جمال محمتخان‌اوغلو تدبیرین قوناقلاری حاقیندا دانیشارکن دئییب.

فستیوالا ۲۵ صنعتچینین دعوت اولوندوغونو دئین محمتخان‌اوغلو اونلارین ۲۳-۳۰ سنتیابر تاریخلرینده گونئی آذربایجانین اینجه‌صنعتینی سرگیله‌یه‌جکلرینی بیلدیریب:

«پروگراما «تبریز گئجه‌سی» ایله یاناشی «اورمو گئجه‌سی» ده سالینیب. ۲۰۰۶-جی ایلده بابک قالاسیندا قالدیریلان گونئی آذربایجان بایراغی و شعاریندان تأثیرلنه‌رک یازیلمیش «تبریزین بایراغی» ماهنی‌سینین مؤلفی موسیقی‌چی خوسروو امیری ده قوناقلار سیراسیندادیر. «اورمو گئجه‌سی»نین داها بیر فخری قوناغی کامانچا اوستادی محسن قربانی‌دیر. او، فستیوال گونلرینده "شوشا" اورکستری ایله بیرلیکده چیخیش ائد‌جک. جاوید تبریزلی «تبریز» ماهنی‌سی ایله سنتیابرین ۳۰-دا صحنه‌یه چیخاجاق. فستیوالین سون گونونده تانینمیش خانیم صنعتچی سونای روحینین ده کنسرتی پلانلاشدیریلیر».

قید ائدک کی، سنتیابرین ۲۳-دن ۳۰-دک ایزمیر شهرینده گونئی آذربایجان اینجه‌صنعت فستیوالی کئچیریله‌جک. صنعت بایرامیندا موسیقی، ادبیات، کینو فوتوگرافییا، آشیق صنعتی ایله باغلی بیر هفته‌لیک پروگرام نظرده توتولوب. مقصد گونئی آذربایجانین معاصر اینجه‌صنعتینی تورکییه‌لیلره تانیتماقدیر. فستیوالین تشکیلاتچی‌سی گونئی آذربایجان مدنیت مرکزیدیر.