ایولون ۲۱-ده پرمیراسی اولان «باربی» فیلمی هفته‌سونو آمریکادا ۱۵۵ میلیون دلار گلیر الده ائدیب،

Kult.az خبر وئریر کی، بو باره‌ده «وارنر بروس» کینوستودییاسینین داخیلی دیستریبوسییا شعبه‌سینین رهبری جف گولدشتین بیلدیریب.

«بیز ایلک هفته‌سونو ۷۵ میلیون دوللار قازاناجاغیمیزی دوشونوردوک. هئچ کیم ۱۵۵ میلیون دوللار گؤزله‌میردی»، - او قئید ائدیب.

بئله‌لیکله، «باربی» فیلمی آپرئل‌ده ایلک هفت‌سونوندا، «بلوومبرگ»این معلوماتینا گؤره، ۱۴۶،۴ میلیون دلار قازانمیش «سوپر ماریو قارداشلاری فیلمی» لنتینی گئریده قویاراق ایلین ان چوخ گلیر گتیره‌ن دئبوتو اولوب.

رژیسور قرئتا گئرویقین چکدیی «باربی» ایولون ۲۱-ده بوتون دونیادا نوماییش ائتدیریلیب. فیلم‌ده مارگو روببی، رایان قوسلینق، هلن میرن و دعا لیپا رول آلیب. فیلمین سوژئتینه گؤره، باش قهرمان موکمل‌سیزلیینه و گؤزللیک قانونلارینا اویغون گلمدیینه گؤره باربیلنددن قووولاجاق، بوندان سونرا باربی عادی اینسانلارین دونیاسیندا یاشاماغی اؤیره‌نمه‌لی اولاجاق.

رژیسور کریستوفر نولانین چکدیی و «نووه بومباسینین آتاسی» آدلاندیریلان آمریکالی فیزیک روبرت اوپپنهایمرین حیاتیندان بحث ائد‌ن «اوپپنهایمر» هفت‌سونو ان چوخ گلیر الده ائد‌ن ایکینجی فیلم اولوب. بو فیلم ۸۰،۵ میلیون دلار گلیر الده ائدیب.