آذربایجان‌دا ایلک دفعه اولاراق آذربایجان دیلی و ادبیاتی فورومو کئچیریله‌جک.

بو باره‌ده Kult.az-آ مدنیت ناطیرلیین‌دن بیلدیریلیب. سئنتیابرین ۲-۴-ده حیدر علیئو فوندو و مدنیت ناظیرلیینین تشکیلاتچیلیغی، علم و تحصیل ناظرلییی، آذربایجان میللی علملر آکادمییاسینین دستیی ایله کئچیریله‌جک فوروم عموم میللی لیدر حیدر علیئوین ۱۰۰ ایللیک یوبیلیینه حصر اولونان تدبیرلر چرچیوه‌سینده تشکیل اولوناجاق.

تانینمیش دیلچی و ادبیات شناس عالیملرین، یازیچی و ناشیرلرین اشتراک ائدجیی فوروم سنتیابرین ۲-ده آذربایجان ادبیاتینا و مدنیتینه گؤرکملی شخصیتلر بخش ائتمیش شاماخی شهرینده باشلایاجاق، سنتیابرین ۳-۴-ده ایسه باکی شهرینده داوام ائد‌جک.

ادبی-علمی ایجتیماعیتین اشتراکی ایله گئنیش مذاکیره‌لرین آپاریلاجاغی فوروم‌دا مدنیتیمیزین یاشادیلماسی، اینکیشافی و تبلیغین‌ده آذربایجان دیلی و ادبیاتین رولو، آذربایجان دیلینین صافلیغینین قورونوب ساخلانیلماسی، معاصر ادبی پروسئسلر، اؤلکه‌میزده اوشاق ادبیاتینین ایدئولوژی ماهیتی و معاصر پروبلملری، میللی کیتاب صنایع‌سینین حاضیرکی وضعیتی و بو ساحه‌یه دولت دستیی، اوشاق و یئنی‌یئتمه‌لر آراسین‌دا مطالعه‌نین تبلیغی، تئاتر و کینونون اینکیشافیندا ادبیات فاکتورو و دیگر ایستیقامتلرده دیسکوسییالار اولاجاق.

متخصصلرین فوروم چرچیوه‌سینده‌کی فیکیر و تکلیفلری عمومیلش‌دیریله‌رک «آذربایجان مدنیتی – ۲۰۴۰» دولت پروگرامین‌دا اؤز عکسینی تاپاجاق.
آذربایجان دیلی و ادبیاتی فورومون‌دا اشتراک ائتمک ایسته‌یه‌ن شخصلر آوگوستون ۲۵-دک مدنیت ناظیرلیینین سایتیندا (www.culture.gov.az) قیدیاتدان کئچه بیلرلر.