گونئی آذربایجان‌لی، شعیرلری هامی طرفیندن سئویلن و اوخونان میللی روحون داشیییجی‌سی اولان شاعر تاریل اومیدین یارادیجیلیغی همیشه ماراق و دقت مرکزینده اولوب.

Kult.az خبر وئریر کی، تاریل اومید (پردشناس) جعفر اوغلو ۱۹۴۵-جی ایلده جنوبی آذربایجانین اهر شهرینین دورموشگانلی کندینده پشه‌کار انقلاب‌چی عائله‌سین‌ده دونیایا گؤز آچیب.

بیر یاشین‌دا مهاجیر عائله‌سی ایله بیرگه آغداما کؤچه‌ن شاعر، اورادا مکانیکلشدیریلمیش تکنیکومو، ۱۹۷۲-جی ایلده ایسه آذربایجان تکنیکی اونیورسیتتینی بیتیریب، اؤلکه‌میزین دمیر یولو سیستمین‌ده ۴۰ ایله یاخین قصورسوز و فداکار امک یولو کئچیب.

او علاوه ائدیب کی، آذربایجان جمعیتی تاریل اومیدی داها چوخ ایستعدادلی شاعر، صمیمی اینسان کیمی تانیییر. ۱۹۸۸-جی ایلده‌ن آذربایجان یازیچیلار بیرلیینین عضوو اولان صنعتکارین ایشیق اوزو گؤره‌ن یوزلرله شعیری، ۴ کیتابی اونا گئنیش اوخوجو رغبتی قازاندیریب. محض بو کفیتلری نظره آلیناراق جمعیتیمیزده ۲۵ ایلده‌ن سونرا برپا اولونان ادبی مجلیسه رهبرلیک تاریل اومیده حواله ائدیلیب.

تاریل اومیدین «گؤرجییک او گونو» شعرینی تقدیم ائدیریک:

دؤیوشن وطنیم یانار اوجاق‌لی،

اوندان اود پایینی آلیبدیر هره.

منیم غضبیمین شیمشیی چاخدی،

شبهه‌لر قیریلیب داغیلدی یئره.

آل قانی آخانا سؤیلدیم کی، قالخ

ایلدیریم وورموشلار سنی ووروبلار

آرخان‌دا گیزلنه‌ن موللالارا باخ،

خالقین تالعینه تله قوروبلار.

اؤلکه جاوانلارین قبریستانی‌می؟

وطن نه وئردی کی، سنه بو یاش‌دا!

آخیتدین هاوایی قیزیل قانینی

سنه حاق وئرمه‌یه‌ن قان‌لی ساواش‌دا.

اؤل‌نه-قالانا شیخ نه وئره‌جک،

یئنه قاپیلاری انقلاب آچیر.

آزادلیق گونونو هامی گؤره‌جک،

ایندیدن گونشه‌تک او شعله ساچیر.