بو گون آذربایجان بسته‌کارلیق مکتبینین گؤرکملی نماینده‌لریندن اولان خالق آرتیستی، پروفسور، دولت مکافاتی لاورئاتی، اونودولماز بسته‌کار واصیف آدیگؤزلووون آنادان اولماسینین ۸۸-جی ایلدؤنومودور.

Kult.az خبر وئریر کی، او، ۱۹۳۵-جی ایل ایول آیینین ۲۸-ده باکی‌دا مشهور موغام اوستاسی زولفو آدیگؤزلووون عائله‌سینده آنادان اولوب.

ایلک موسیقی تحصیلینی کنسرواتورییانین نزدینده‌کی ۱۰ ایللیک موسیقی مکتبینده پیانوچو کیمی آلان صنعتکار ۱۹۵۳-جو ایلده آذربایجان دولت کونسرواتورییاسینا داخیل اولوب. قارا قارایئوین صینفینده تحصیلینی داوام ائتدیریب. ۱۹۵۸-جی ایلده‌ن امک فعالیتینه باشلایان بسته‌کارین امیی هر زامان یوکسک قیمتلندیریله‌رک ان یوکسک فخری آدلارا، اوردن و مئداللارا لاییق گؤرولوب.

واصیف آدیگؤزلووون یارادیجیلیغی میللی موسیقی مدنیتیمیزده خصوصی رولا و اهمیته مالیکدیر. اونون اثرلری نینکی اؤلکه‌میزین، دونیانین بیر چوخ یئرلرینده، او جمله‌دن آلمانییا، بولغاریستان، چخییا، مکزیکا، کوستا-ریکو، ونسوئلا، کوبا، تورکییه، ایران و کئچمیش اس.اس.ار.ای رسپوبلیکالارینین موسیقی اجتیماعیتینه یاخشی تانیشدیر.

آدایگؤزلووون یارادیجیلیغی چوخ گئنیش و رنگارنگدیر. او، «اؤلولر» و «ناتوان»، «ننه‌مین شاهلیق قوشو»، «حاجی قارا»، «بوشاناق - ائولنریک»، «آلدین پایینی، چاغیر دایینی»، همچینین «اودلار یوردو»، «قاراباغ شیکسته‌سی»، «چاناققالا-۱۹۱۵»، «غم کاروانی» اوراتورییالارینین، ۳ سیمفونییانین، «سه‌گاه» موغام-سیمفونییاسینین، «مرحله‌لر»، «آفریکا مباریزه ائدیر» سیمفونیک پویمالارینین، درام تاماشالارینا و کینوفیلملره یازیلمیش موسیقینین مؤلفیدیر.

ایری مونومنتال اثرلرله یاناشی، بسته‌کارین ماهنیلاری دا اؤز صمیمی، اعجازکار مئلودییاسی ایله خالقیمیزین اوریینه یول تاپیب. اونون دیللر ازبری اولان «قرنفیل»، «باکی»، «خوشوم گلیر»، «ناز-ناز»، «شوشا لایلاسی»، «آنا» کیمی ماهنیلاری اینسانین اولوی حسلرینین یوکسک بدیعی تظاهرودور.

گؤرکملی بسته‌کار ۲۰۰۶-جی ایل سنتیابرین ۱۶-دا دونیاسینی دییشیب و فخری خیاباندا دفن اولونوب.

تارزن رامیز قولیئوین ایفاسیندا واصیف آدیگؤزلووون «قرنفیل» ماهنی‌سینی سیزه تقدیم ائدیریک: