خوجانین دوز گونبزی شرقی آذربایجان ایالتینده، هریس شهرینین تابع رایونلاریندان بیری اولان خوجا بؤلگه‌سینین جنوب-غربینده یئرلشیر.

Kult.az خبر وئریر کی، دوز گونبزی قیرمیزی، بنؤوشیی، بال و بوز رنگلی دوز طبقه‌لرینی احتوا ائد‌ن چؤکونتولرین گؤزل و رنگارنگ ترکیبینه گؤره گئوتوریزم دیرینه مالکدیر.

دوز گونبزینده یارانان گؤزل و حیرت‌آمیز چیخینتیلار، قیریشلار و چاتلار اورانین نادر طبیعت عابده‌لرین‌دن بیرینه چئوریلمه‌سینه سبب اولسا دا، بورا هله ده علاقه‌دار دولت قوروملاری طرفیندن قیدیاتا آلینماییب.

بؤلگه اهالی‌سی مسئله ایله باغلی یایدیقلاری مراجعتده دوز گونبزی و اطرافینین توریزمین انکشافی، اهالینین معیشت پروبلملرینین حلینده اهمیتلی رول اوینایاجاغینی یازیبلار.

یئرلی ساکنلرین گلیر قایناقلارینین محدود اولدوغونو وورغولایان مراجعت مؤلفلری، ایالت رهبرلییندن بؤلگه‌یه سرمایه قویولماسینی طلب ائدیبلر.