بو گون اونودولماز تئاتر خادی‌می، آذربایجانین گؤرکملی تئاتر رژیسورو، پئداقوق، خالق آرتیستی توفیق کاظیمووون وفاتیندان ۴۳ ایل اؤتور.

Kult.az خبر وئریر کی، او، ۱۹۲۳-جو ایل یانوارین ۱۴-ده باکی‌دا دوغولوب و یئددی ایل‌لیک تحصیلینی بورادا آلاراق تئاتر مکتبینی بیتیریب.

بؤیوک وطن محاربه‌سین‌ده اشتراک ائد‌ن کاظیموو ۱۹۴۳-جو ایلده یارالاناراق اوردو سیرالاریندان ترخیص ائدیلیب. آردینجا آذربایجان دولت گنج تاماشاچیلار تئاتریندا آکتیور کیمی فعالیته باشلاییب. تئاتردا بیر سیرا یادداقالان اوبرازلار یارادان صنعتکار ۱۹۴۵-۱۹۵۱-جی ایللرده مسکوادا عموم اتفاق تئاتر صنعتی اینستیتوتوندا رژیسور تحصیلی آلیب.

اوزون ایللر آذربایجان دولت آکادمیک میللی درام تئاتریندا باش رژیسور کیمی فعالیت گؤستره‌ن توفیق کاظیموو ویلیام شکسپیرین «آنتونی و کلوپاترا»، «حاملت»، «فیرتینا»، ایلیاس افندیئوین «سن همیشه منیمله‌سن»، «اونودا بیلمیرم»، «محو اولموش گونده‌لیکلر»، «باغلاردان گلن سس»، جلیل مممدقولوزادنین «اؤلولر»، شیخعلی قوربانووون «سن‌سیز» و دیگر ادیبلرین پیئسلری اساسین‌دا بیر-بیریندن ماراقلی تاماشالار حاضرلاییب.

اوزون ایللر تئاتر اینستیتوتون‌دا آکتیور و رژیسور صنعتیندن درس دئمیش توفیق کاظیموو، همچینین بیر سیرا صنعتکارلار باره‌ده مونوگرافییالار یازیب. «چاغیریش»، «ایشیق‌لی یوللاردا»، «شفق»، «قوچاق پولاد» و دیگر پیئسلرین مؤلفی کیمی تانینان ت . کازیموو مطبوعات‌دا تئاتر صنعتینه، مختلیف تاماشالارا عایید رسنزییا و مقاله‌لرله چیخیش ائدیب. اونون قورولوشون‌دا سهنه تجسمو تاپان «شهرین یای گونلری»، «آنتونی و کلئوپاترا»، «سئویلیا اولدوزو»، «لنکران خانینین وزیری»، «پری جادو»، «یالان»، «یاغیشدان سونرا»، «اؤلولر» و اونلارلا دیگر تاماشالار اوزامانکی تئاترسئورلرین یاخشی خاطرینده‌دیر.

میللی رژیسور صنعتیمیزین کوریفیلریندن ساییلان توفیق کاظیموو یارادیجیلیغینین چیچکلندیی بیر واخت‌دا - ۱۹۸۰-جی ایل آوگوستون ۲-ده آوتومبیل قزاسی زامانی دونیاسینی دییشیب و فخری خیاباندا تورپاغا تاپشیریلیب.