بو گون خالق آرتیستی، گؤرکملی بسته‌کار اوقتای زولفوقارووون وفاتیندان ۷ ایل اؤتور.

Kult.az خبر وئریر کی، او، ۱۹۲۹-جو ایل مایین ۳۱-ده حاکم عائله‌سینده آنادان اولوب.

زینال‌لی آدینا موسیقی مکتبی و دولت کنسرواتورییاسینین ویولونچل صینفین‌ده تحصیل آلیب، پروفسور قارا قارایئوین طلبه‌سی اولوب.

۱۹۵۸-جی ایلده قارا قارایئوین صینفینی اوغورلا باشا ووران اوقتای زولفوقاروو معلمینین مصلحتی ایله اوشاقلار اوچون سیل‌سیله ماهنیلار یاراتماغا باشلاییب.

او، اوشاقلار اوچون یازیلان «قیز-اولدوز»، «پیشیک و سرچه» و "مئشه ناغیلی" اوپرالارینی دا یازیب. «شنگولوم، شونگولوم و منگولوم» آدلی موسیقی‌لی کومدییا، ویولونچئل و فلیتا اوچون کنسرتلر، سیمفونیک پویمالار، کانتاتالار، دؤرد سیمفونییا، اینسترومنتال پیسلر، تئاتر و کینو اوچون موسیقی یازیب. اونون بؤیوک سیمفونیک اورکستر اوچون یاراتدیغی "شنلن، منیم خالقیم" اوورتوراسی کیمی بیر چوخ مشهور موسیقی اثرلری وار.

اوزون ایللر "تومورجوق" و "آیسل" اوشاق ماهنی تئاتری گؤرکملی صنعتکارین رهبرلییی آلتیندا آذربایجان دولت تلویزییاسیندا وئریلیشلر حاضرلاییب. موسیقی ایله یاناشی، بسته‌کار هم ده شعیرلر یازیب. اونلار «اوخویور آیسل» آدلی توپلودا ایشیق اوزو گؤروب.

اوقتای زولفوقاروو اؤمرونون ۶۰ ایلیندن چوخونو اوشاق ماهنیلارینین یازیلماسینا، آذربایجان مدنیتینین اینکیشافینا حصر ائدیب. اوزون مدت آذربایجان تلویزییاسین‌دا اونون اوشاقلارلا آپاردیغی وئریلیش اوشاقلارین سئوه-سئوه ایزلدیی پروگرام ایدی.

اوقتای زولفوقاروو ۲۰۱۶-جی ایل آوگوستون ۳۱-ده ۸۷ یاشیندا وفات ائدیب.