آذربایجان تئاتر و کینو تاریخینین اونودولماز و عوض‌اولونماز صنعتکارلاریندان بیری اولان یاشار نورینین آنادان اولماسیندان ۷۲ ایل اؤتور.

Kult.az خبر وئریر کی، اونودولماز صنعتکار ۱۹۵۱-جی ایل سنتیابر آیینین ۳-ده باکی‌دا تانینمیش آکتیور ممدصادیق نوریئوین عائله‌سینده دنیایا گلیب.

یاشار نوری اؤزونه‌مخصوص میلی کولوریتی ایله سئچیله‌ن، لیریک، کومیک، پسیخولوژی و دراماتیک روللارین مهارتلی ایفاچی‌سی، هامینین سئویملیسی ایدی. آکتیورون آتاسی آذربایجان کینو و تئاتر تاریخینده چوخ‌سایلی روللارین ماهر ایفاچی‌سی اولوب. هر بیریمیزین سئوه-سئوه ایزلدیی «یئددی اوغول ایسترم»، «اولدوز»، «اوشاقلیغین سون گئجه‌سی»، «سهرلی خالات» و سایر. فیلملرده رول آلان ممدصادیق نوریئوین آکتیورلوق استعدادی، سؤزسوز کی، اؤولادی یاشار نورییه سرایت ائدیب و هر ایکی صنعتکار کینو و تئاتر تاریخینده اونودولماز روللارین ماهر ایفاچی‌سینا چئوریلیب.

یاشار نوری هله کیچیک یاشلاریندا ایکن صحنه‌ده رول آلیب. ایلک دفعه اون بیر یاشی اولارکه‌ن «توی کیمیندیر؟» تاماشاسیندا تاپدیق رولو ایله صحنه‌ده رول آلان اونودولماز آکتیوروموز یاشار نوری تلویزییادا «یئلکن» وئریلیشینین آپاریجی‌سی اولوب، «بوراتینو»، «قارانقوش»، «پیونر» اوشاق وئریلیشلرینده اشتراک ائدیب.

آکتیور تئاتر صحنه‌سینده چوخ‌سایلی اوبرازلارین ماهر ایفاچی‌سی اولوب. سئویله‌ن صنعتکاریمیزین آذربایجان تئاتر صحنه‌سینده «اؤولاد» کمدییاسیندا سیلوا، «باغلاردان گلن سس» درامیندا پرویز، «اؤلولر» اثرینده مشهدی اوروج، «اود گلینی» درامیندا آلتونبای و سایر روللاری اونا گئنیش تاماشاچی رغبتی قازاندیریب.

یاشار نوری، عینی زماندا، هامی طرفیندن سئویله‌رک ایزله‌نیلن تلویزییا تاماشالاریندا دا یاددا قالان اوبرازلارین گؤرکملی ایفاچی‌سیدیر. چوخلاریمیز یاشار نورینین باش رول ایفاچی‌سی اولدوغو تاماشالاری سئوه-سئوه ایزلییریک. یاشار نوری آذربایجان دولت تلویزییاسینین حاضیرلادیغی «یوللار گؤروشنده»، «اؤمرون یوللاری»، «قاطاردا»، «ائولری کؤنده‌لن یار»، «قونشو قونشو اولسا»، «کؤکدن دوشموش پیانو»، «توپال تیمور» و دیگر اوبرازلاردا قالیب.

بؤیوک صنعتکارین آکتیورلوق فعالیتی بونونلا محدودلاشمیر. کینو ساحه‌سینده ده بیر-بیریندن پارلاق اوبرازلار یارادان سئویملی صنعتکاریمیز «دؤرد بازار گونو»، «بیین اوغورلانماسی»، «آد گونو»، «یول احوالاتی»، «یاراماز»، «یوخو»، «هر شی یاخشیلیغا دوغرو»، «لطیفه»، «قتل گونو»، «فرانسیز»، «یوخلاما» و سایر فیلملرده رول آلیب.

خالق آرتیستی اوزون سورن خسته‌لیکدن سونرا ۲۰۱۲-جی ایل نویابرین ۲۲-ده دنیاسینی دییشیب.