تبریزین شیمال-شرقین‌ده یئرلشن تاریخی رب رشیدی عابده کومپلکسینین قالیقلاری باخیم‌سیزلیق اوجباتیندان تمامیله یوخ اولماق اوزره‌دیر.

Kult.az خبر وئریر کی، بو باره‌ده یئرلی مدنیت خادیملری و سوسیال مئدیا فعاللاری معلومات یاییبلار.

بیلدیریلیب کی، شرقی آذربایجان ایالتینین مدنی ارث تشکیلاتی و اراضی اوزره بلدییه‌نین لاقید مناسیبتی سببین‌دن ۱۴-جو عصره عایید عابده محو اولوب. آدیچکیله‌ن هر ایکی دولت قورومونا عابیده‌نین قالیقلارینین قورونماسی ایله باغلی مراجیعتلر جوابسیز قالیب.

خاطیرلاداق کی، بو تاریخی عابده ۱۴-جو یوزیل‌لیکده الخانی دولتینین قدرتلی ۳ حکمدارینین وزیری اولان فضل اللاه رشیدالدین طرفین‌دن اینشا ائتدیریلیب.

کومپلکسین داخیلینده بیر سیرا تحصیل، مدنیت، عبادت و طب مرکزلری، یاشاییش کومپلکسی، ۲۴ کاروانسارا، یوزلرله دوکان، مسجید، بازار، حمام، زربخانا، مینلرله طلبه‌سی اولان تدریس موسسه‌سی فعالیت گؤستریب.