۴۰ میلیون تورکون یاشادیغی ایران‌دا محمدحسین شهریارین آنیم گونو «تورک دیلی و ادبیاتی گونو»آدلاندیریلیب، آنا دیللرینه مختاریت وئریلسه ایدی، بو، اصل تؤهفه اولا بیلردی. لاکین فارسرژیمینین مقصدی ۴۰ میلیونون دیلینی و وارلیغینی آسیمیلیاسییا ائتمک‌دیر.

بو سؤزلری Axar.az-آ تانینمیش گونئی‌لی آراشدیرماچی-یازار عبدالله امیر هاشمی جوانشیر ۱۸سنتیابرین، شهریارین آنیم گونونون «فارس دیلی و پویزییاسی گونو» کیمی قید ائدیلمه‌سینه مناسیبتبیلدیررکه‌ن دئییب.

او، رژیمین بو قرارینا میللی فعاللار و آذربایجان تورکلرینین مثبت یاناشمادیغینی دقته چاتدیراراق، ایرانینبو مسئله‌ده‌کی سیاسی مقصدیندن سؤز آچیب:

«سؤز عالمینین حکمداری اولان شهریارین تورک و فارس دیللرینده یازدیغی اثرلر آذربایجان خالقینیندیرچلمه‌سینده، مباریزه عزمینین گوجله‌نمه‌سین‌ده خصوصی رول اویناییب. «حیدربابایا سلام»پویماسی هم شهریارین، هم ده میللی ادبیاتیمیزین دؤنوش نقطه‌سی ساییلا بیلر. شهریار بو اثری ایله اؤزیوردوندا گئنیش شکیل‌ده تانینماغا باشلاندی. آنا دیلی ایله یاناشی، ائله فارسجا یازدیغی شئیرلرین‌ده ده تورکلره قارشی آپاریلان شوینیست، تحقیرآمیز و یانلیش مناسیبتلری ایفشا ائدیب.اونون«ای تهران‌لی»شعری یوز ایلدیر آذربایجانلیلارا و دیگر غیری-فارسلارا قارشی یؤنلمیش راسیست موناسیبتلره قارشی کسکین جواب ایدی. شهریار بیر تورک شاعریدیر. هر نه قدر فارسجا یازیب-یاراتسا دا، بوتون دونیا اونو آذربایجان شاعری اولاراق تانیییر. اودور کی، ۱۸سنتیابرین فارس دیلی گونو اعلان ائدیلمه‌سی چوخ شبهه‌لی، ایرنج بیر سیاستدیر. بو، شاعره احترام دئییل، عکسینه اونون منسوب اولدوغو تورک میللتینه قارشی یئنی بیر حیله‌دیر. اصلینده، ایران رژیمینین آتدیغی بو آددیم تعجب ده دوغورمور. چونکی پانفارسلار آذربایجان خالقینین وارلیغینی، تاریخینی، مدنیتینی سون یوز ایلده علین‌دنگلدیی قدر منیمسه‌ییب. شهریار ارثینی منیمسه‌مک جهدی ده بو قبیلدندیر».

قید ائدک کی، ۲۰۰۰-جی ایلده آذربایجان شاعری محمدحسین شهریارین اؤلوم تاریخینین - ۱۸ سنتیابرین- «فارس دیلی و پویزییاسی گونو» کیمی قید ائدیلمه‌سی تکلیف اولونوب. در حال قبول ائدیله‌ن بو تکلیفه آذربایجانلی مدنیت خادیملری، یئرلی آذربایجانلیلار اعتراض ائدیب، اونون لغوی ایله باغلی مراجعتلرائتسه‌لر ده، بونا اهمیت وئریلمه‌ییب.

آنیم گونو مناسیبتیله همین تاریخده تبریزده و شرقی آذربایجان ایالتینین بیر نئچه بؤلگه‌سینده دولتین حمایه‌سی ایله فارس دیلینه حصر اولونموش ۱۳۹-آ یاخین ادبی-مدنی تدبیرلر کئچیریله‌جک.

مدنی فعاللار بوتون آذربایجانلیلاردان سنتیابرین ۱۸-ده اؤز آنا دیللرینده یازیلار یازماغی، شهریارین آذربایجان دیلینده اولان شعیرلرینی یایمالارینی خواهیش ائدیبلر.