Kult.az آذربایجانین بؤیوک شاعری محمدحسین شهریارلا باغلی ۱۰ ماراقلی فاکتی تقدیم ائدیر:

۱. شهریارین آتاسی حاجی میراغا خوشگینابی دورونون تانینمیش حقوق‌شناسلاریندان بیری اولوب.

۲. او، طلبه‌لیک ایللرینده ثریا آدلی بیر قیزی سئویب. لاکین رضا شاه پهلوینین یاخین قوهومو عبدالحسین تیمورتاش ثریایا آشیق اولدوغو اوچون اونلاری آییریب.

۳. دئییلنه گؤره، عبدالحسین تیمورتاش ثریانی شهریاردان تام اوزاقلاشدیرماق اوچون شاعرین نیشاپورا سورگونه گؤندریلمه‌سینه نایل اولور. باشقا بیر ادعایا گؤره، اونون سورگون ائدیلمه‌سینه سبب رضا شاه رژیمینی تنقید ائد‌ن قصیده یازماسیدیر.

۴. بیر دفعه شهریارلا ثریا بهجت آباد پارکیندا گؤروشمکله باغلی راضیلیغا گلیرلر. سئوگیلیسینی سون دفعه گؤرمک اومیدی ایله گئجه همین یئره گلن شاعر سهره‌دک گؤزلییر، اما ثریانی گتیرمیرلر. ائله همین گئجه «بهجت آباد خاطره‌سی» قلمه آلینیر:

«اولدوز سایاراق گؤزلمیشم هر گئجه یاری،

گئج گلمه‌ده‌دیر یار یئنه، اولموش گئجه یاری».

۵. مشروطه انقلابی ایللرینده عائله‌سی اونو حیدربابا داغینین اتکلرینده‌کی خوشگیناب کندینه، ننه‌سینین یانینا گؤندریر. بو، سونرالار شهریارین «حیدربابایا سلام» کیمی محتشم بیر پویما یازماسینا سبب اولور.

۶. سید نسلیندن اولان محمدحسین بهجت شهریار تخل‌لوسونو گؤرکم‌لی صوفی شاعر حافیظین دیوانیندان گؤتوروب.

۷. شاعرین آدینی و «حیدربابایا سلام» پویماسینی تورکییه‌یه رسولزاده تقدیم ائدیب، تانیتدیریب.

۸. شهریار عمرو بویو حسرتینده اولدوغو قوزی آذربایجانی گؤره بیلمه‌ییب.

۹. واقیفین ۲۵۰ ایللیک یوبیلئیینده آذربایجان یازیچیلار اتفاقی شهریاری باکییا دعوت ائدیب، لاکین اونا صنعی انگللر یارادیلیب و شاعرین بؤیوک آرزوسو حیاتا کئچمه‌ییب.

۱۰. شهریار «حیدربابایا سلام» شعیرینی فارس دیلینه ترجمه ائتمه‌یه چالیشسا دا، بونو باجارا بیلمدیینی و ممکن‌سوز اولدوغونو دئییردی.

بونوس: آراشدیرماچی احمد کاویانپور «اوستاد شهریارین ادبی و اجتماعی حیاتی» مونوگرافییاسیندا شاعرله شخصاً صحبت ائد‌ن بهروز سیاهپوشون بو خاطره‌سینی قلهمه آلیب:

«عبدالحسین تیمورتاش حبسخاناداکی مأمورلارا دئییبمیش کی، شهریاری اورادا اؤلدورسونلر. پرینین آناسی تیمورتاشا یالواریب کی، بو یازیق سیدین گناهی ندیر کی، اؤلومونه چالیشیرسینیز؟ جدی بیزی توتار، الینیزی قانا باتیرمایین! تیمورتاش جواب وئریر کی، اونو بیر شرطله اؤلدورمره‌م، تهران‌دان چیخیب گئتسین.

اوستاد سؤیلییر کی، عبدالحسین تیمورتاشین اس.اس.ار.ای-نین مرکزی تهلوکه‌سیزلیک ایداره‌سی ایله علاقه‌سی وار ایدی. او، ۱۹۳۳-جو ایلده روشوت آلماقدا اتهام ائدیلیر. ائله همین ایل تهرانین قصر زیندانین‌دا زهرلنیب اؤلدورولور.

سونرا اوستاددان سوروشدوم کی، تیمورتاش چوخ قدرت‌لی، گوجلو آدام ایدی، نئجه اولدو کی، اؤلدو؟ شهریار دئدی کی، اونو منیم جدیم اؤلدوردو».