۱۸ سنتیابرین، شهریارین آنیم گونونون "فارس دیلی و ادبیاتی گونو" کیمی قید ائدیلمه‌سینه گونئی‌لی ضیالی و مدنیت خادیملرینین رئاکسییالار داوام ائدیر.

Kult.az خبر وئریر کی، بونونلا باغلی تهراندا یاشایان آذربایجانلی یازیچی، تدقیقاتچی و مدنیت خادمی حسن راشدی فکرلرینی پایلاشیب.

او، داها اول شهریارین آنیم گونونون "ایرانین میللی شعر و ادبیاتی گونو" کیمی تکلیف اولوندوغونو، سونرادان بونون دییشدیریله‌رک "فارس دیلی و ادبیاتی گونو" آدلاندیریلدیغینی دقته چاتدیریب:

"بو گونون "ایرانین میللی شعر و ادبیاتی گونو" کیمی تکلیف ائدیلمه‌سی اؤلکه‌ده یاشایان بوتون وطنداشلارین، او جمله‌دن، اؤلکه اهالی‌سینین، تخمیناً، یاریسینی تشکیل ائدب آذربایجانلیلارین رغبتیله قارشیلاندی. اونا گؤره کی، شهریار، حقیقتا، هم آذربایجان تورکجه‌سی، هم ده فارس دیلینده یازدیغی اثرلریبه گؤره چوخ‌دیللی و چوخ‌مدنیتلی ایران جمعیتینده بؤیوک حرمت قازانمیشدی. آنجاق قیسا مدت سونرا بو، فارس شووینیستلرینین اعتراضلاری ایله قارشیلاندی. اونلار ایرانلی اولماغی یالنیز فارس‌دیللی اولماق کیمی حساب ائتدیکلری اوچون شهریارین آنا دیلینده‌کی شعرلرینی قبول ائتمک ایستمه‌دیلر»،- راشدی قید ائدیب.

شهریارین "حیدر بابایا سلام" پوئماسینین دنیانین ۹۰ دیلینه ترجمه ائدیلدیینی، بوتون آذربایجانلیلار طرفیندن سونسوز ماراقلا قارشیلاندیغینی دئیه‌ن راشدی بونون فارس شووینیستلرینین غضبینه یول آچدیغینی سؤیله‌ییب:

«اونلارین گؤزونده شهریارین ان بؤیوک گناهی غیرفارس دیلده، اؤز آنا دیلینده یازدیغی اثره گؤره «جهان‌شمول» شخصیته چئوریلمه‌سیدیر. شووینسیتلرین فکرینجه، کیمسه‌نین فارس دیلیندن باشقا بیر دیلده نسه یازماغا حاقی یوخدور. اگر یازسا دا، مشهورلاشمامالیدیر. بو سببدن ده "ایرانین میللی شعر و ادبیاتی گونو"نون دییشدیریله‌رک، «فارس شعری و ادبیاتی گونو" کیمی قید ائدیلمه‌سینه نائل اولدولار».