آذربایجان پشه‌کار ووکال صنعتینین بانی‌سی، اوپرا موغه‌ننی‌سی بولبوله حصر اولونموش «بولبول ووکال مکتبی» یارادیلیب.

Kult.az خبر وئریر کی، ایدئیانین مؤلفی امکدار آرتیست، آذربایجانین تانینمیش ووکال ایفاچی‌سی رامیل قاسیموودور.

امکدار آرتیست قید ائدیب کی، آذربایجان‌دا کلاسیک ووکال عنعنه‌لرینین فورمالاشماسی، گئنیش وسعت آلماسی، علمی ووکال لابوراتورییاسینین، باکی موسیقی آکادمییاسیندا «سوُلوُ اوخوما و اوپرا حاضرلیغی» کافدراسینین یارادیلماسی محض بولبولون آدی ایله باغلیدیر. او بیلدیریب کی، مکتبی یاراتماق ایدئیاسی باره‌ده دفعه‌لرله پولاد بولبولوغلو ایله دانیشیب.

«منیم تقدیم ائدجییم ووکال مکتبی ایسه محض بولبولون بیزه میراث قویدوغو آذربایجان میللی ووکال علمی اساسلارینا سؤیکه‌نه‌رک بیزه مخصوص دیل فونتیکاسینا کؤکلنیر. ایلکین اولاراق ۵ طلبه‌نی سئچه‌رک تمناسیز اولاراق اینتنسیو مشقلره باشلایاجاغام. دوشونوره‌م کی، قیسا زاماندا اصل سسلر ائشیدجییک». - دئیه او، وورغولاییب.

امکدار آرتیست رامیل قاسیموو، همچینین، آذربایجان میللی کونسرواتورییاسین‌دا معلم کیمی فعالیته باشلادیغینی و گؤستریله‌ن بو اعتیمادی دا دوغرولداجاغینی قید ائدیب.