ارمنی ترورچو ویتالی بالاسانیانین حبسی خبری یاییلان کیمی ارمنی و بیزیم بعضی سوسیال مئدیادان ایستیفاده ائد‌نلر باشلاییبلار یازماغا کی، بس، ویتالی آذربایجانا پیس‌لیک ائتمه‌ییب، آللاهوئردی باغیروو ایله دوستلوق ائدیب، خوجالیلاری گئری قایتاران اودور و س. بونلار هامیسی یالاندیر.

Kult.az خبر وئریر کی، بو سؤزلری تاریخ‌چی عالیم، دوسنت زاور علیئو بیلدیریب.

او قید ائدیب کی، ویتالی ایله آللاهوئردی نه محاربه‌دن اؤنجه، نه ده محاربه واختی دوستلوق ائدیب:

«رحمت‌لیک آللاهوئردی هر زامان دئییردی کی، بو آلچاغین دینی-ایمانی پول‌دور، آناسینی دا ساتار پولا گؤره. بو سؤزلری دئیه‌ن قاراباغین آسلانی آللاهوئردینین اونونلا دوستلوق ائتمه‌سینه اینانا بیلرسیز؟

ویتالینین حیاتین‌دا جمعی بیر دوستو اولوب. اونونلا بیرگه آذربایجان تورپاقلارینین ایشغال ائدیلمه‌سین‌ده اشتراک ائد‌ن، بیرلیکده خوجالی سویقیریمینی حیاتا کئچیردیی سرژ سرکیسیان. اونلار ۹۰-جی ایللردن قاراباغدا ارمنیلری دؤیوشه قاتماق اوچون ایش گؤروبلر. محاربه‌یه گئتمک ایسته‌مه‌یه‌ن اره‌نیلرین قیز-گلینلرینی سئرژله بیرلیک‌ده زورلاییب، قورخو یارادیبلار. خوجالی‌دا اینسانلیغا سیغمایان وهشتلر تؤردیبلر. کؤرپه قیزلارین و قادینلارین قیزیل اشیالارینی سئرژ، کیشیلرین قیزیل اشیا و دیشلرینی ایسه ویتالی توپلاییب.

بالاسانیان «داشناکسوتیون» پارتییاسینین عضوودور. هم قوندارما «آرتساخ رژیمی»نین، هم ده ارمنیستانین «خاچ قهرمانی»دیر. ۱۹۹۲-جی ایلین اولیندن باشلایاراق آذربایجانا قارشی دؤیوشوب. خوجالی جاماعاتینی قیریب، حتی شهید کوماندیرلریمیز شیرین میرزیئوین و آللاهوئردی باغیرووون خیدمتی ماشینلارینین کئچدیی یوللارا مینا دا یئرلش‌دیره بیلیب و اونلارین اؤلدورولمه‌سینه نایل اولوب. اگر بئله دوست ایدی‌سه، آللاهوئردینین گئتدیی کنددن گئری قاییدان یولونا نئجه مینا باسدیریردی؟ دئمک، ویتالی، ساده‌جه، پول قازانماغی دوشونوب - مئییت و اسیر ساتماقلا».

عالیم وورغولاییب کی، ایللردیر مئدیادا یاییلان بو یانلیش خبره کونکرت جواب وئریر:

«ویتالی بالاسانیان ایله آللاهوئردی باغیروو ایلک دفعه خوجالی فاجعه‌سی باش وئرن‌دن سونرا تانیش اولوبلار. اؤزو ده عسگران یاخینلیغیندا، ۱۹-جو پوستدا. اونلارین آراسیندا اولدن هئچ بیر دوستلوق اولماییب. بو مناسیبتلر ایسه آللاهوئردینین اسیرلری و گیروولاری گئری قایتارماسی اوچون قورولوب.

خوجالی ساکینی، سککیز گون ارمنی اسیرلیینده ایشگه‌نجه‌لره معروض قالان رابطه‌چی خانیم دوردانه آغایئوا مصاحیبه‌سین‌ده دئییر: «او واخت ارمنیلر اسیرلرین مقابیلینده بنزین، سیگارت طلب ائدیردی. اما آللاهوئردی باغیروو هئچ واخت ارمنیلرین طلب ائتدیکلرینی آنامدان ایستمه‌ییب کی، منی آزاد ائتسین. اؤزو آغدام جاماعاتین‌دان ارمنیلرین ایستدیکلرینی ییغیب وئریب، بیزلری آزاد ائدیب».

ویتالینین آللاهوئردی ایله باغلایان یالنیز اونون آرادا آغداما، سووئت دؤورونده باغیروولار عائله‌سینه مخصوص رستورانا گلیب، یئمک یئمه‌سی اولوب.

ارمنی مئدیاسیندا یازیلیر کی، گویا ویتالی آللاهوئردینین آغدام رایونو اراضی‌سینده‌کی مزارینی دا داغیدیلماقدان قورویوب. لاکین اونون یالانی سونرادان اوزه چیخدی. آغدام ایشغالدان آزاد ائدیلدیکدن سونرا شاهیدی اولدوق کی، آللاهوئردی باغیرووون مزاری دئمک اولار کی، داغیدیلیب و ارمنی واندالیزمینه معروض قالیب. ویتالینین آللاهوئردی ایله هئچ بیر دوستلوق علاقه‌سی اولمادیغینی بو فاکتدان دا گؤرمک اولار».

ویتالی بالاسانیان حاق‌دا عالیم قید ائدیب کی، او، قاراباغدا ۵ مارت ۱۹۵۹-جو ایلده دوغولوب:

«اوشاق‌لیغی دا، گنج‌لیگی ده اورادا کئچیب. ۱۹۹۰-جی ایلده‌ن عسگران‌داکی سلاحلی بیرلشمه‌لره کوماندان‌لیغی محض بالاسانیان ائدیردی. بالاسانیان عسگرلرینین خوجالی قیرغینیندان ساغ قالانلاری اوچوروما دوغرو نئجه آپاردیقلارینی و اورادان نئجه آتدیقلارینی تصدیق ائد‌ن کادرلار دا حاضردا الیمیزده وار.

دیگر ویدئو-مصاحیبه‌سین‌ده او اعتراف ائدیر: «۱۹۸۸-جی ایلین ۲۲ فئورالین‌دا مشهور عسگران حادثه‌لرینین تشکیلاتچی، آتش آچان، اؤلدورن، یارالایان من اولموشام».

بایراغی تحویل وئرمه‌ییب تسلیم اولان جسور دؤیوشچو ناطیق قاسیمووو اسیر آلان دا، دیندیره‌ن ده، ایشگه‌نجه وئره‌ن ده ویتالی بالاسانیاندیر.

۱۹۸۸-جی ایل ۲۰ فورال‌دا خانکندی مرکزی خسته‌خاناسیندا تجروبه کئچه‌ن ایکی آذربایجان‌لی طلبه قیز ارمنیلر طرفیندن زورلاندی. بوندان جمعی ایکی گون سونرا آذربایجان‌لیلار و ارمنیلر آراسیندا بیرباشا قارشی‌دورما آتیشمایا چئوریلدی. نتیجه‌ده ایکی آذربایجانلی گنج حیاتینی ایتیردی. محض بو زورلامانین و ایکی آذربایجانلینین قتل ائدیلمه‌سینین باشیندا دا بو ویتالی دوروردو. بونو اؤزو "News.am» سایتینا مصاحیبه‌سینده ده اعتراف ائدیب.

۳۶۶ سایلی روس موتواتیجی آلایینین کؤمک‌لییی ایله دینج اینسانلارا قارشی تؤره‌دیله‌ن وحشی‌لیکده «افسانوی گنرال» عنوانی قازانان ویتالی بشریتین راست گلمدیی ییرتیجیدیر.

بوتون بو فاکتلار ثبوت ائدیر کی، ویتالی بالاسانیان قاتیلدیر، ترورچودور و ان آغیر جزا آلمالیدیر.

بو قاتیلی ایله آللاهوئردی باغیرووون گویا دوست اولدوغو حاقدا ناغیللاری ایسه بیتیرین!»