بو گون یازیچی، ادبیاتشوناس، فیلولوگییا علملری دوکتورو میر جلال پاشایئوین آنیم گونودور.

Kult.az خبر وئریر کی، او، ۲۶ آپرئل ۱۹۰۸-جی ایلده گونئی آذربایجانین خلخال شهرینین اندبیل کندینده آنادان اولوب.

ادیب کیچیک یاشلاریندا عائله‌سی ایله بیرلیکده گنجه‌یه کؤچوب و ۱۹۱۸–۱۹۱۹-جو ایللرده خئیرییه جمعیتینین کمکی ایله ابتدایی تحصیل آلیب.

۱۹۲۸-جی ایلده گنجه دارالمعلیمینی (پداقوژی اونیورسیتت) بیتیردیکدن سونرا مکتب دیررکتورو کیمی فعالیته باشلاییب.

۱۹۳۰-۳۲-جی ایللرده کازان شرق پداقوژی اینستیتوتونون ادبیات شعبه‌سینده تحصیل آلان پاشایئو آردینجا باکییا قاییداراق آذربایجان دولت علمی تدقیقات اینستیتوتونون آسپیرانتوراسینا داخیل اولوب، «کوممونیست»، «گنج ایشچی» قزئتلرینده ایشله‌ییب و ایلک کیتابی "ساغلام یوللاردا" اثرینی نشر ائتدیریب.

۱۹۲۸-جی ایلده‌ن ادبی یارادیجیلیغا باشلایان ادیب «کوممونیست» قزئتینده شعبه مدیری، "گنج ایشچی" قزئتینده مسئول کاتیب، هم ده آذربایجان علملر آکادمییاسی نظامی آدینا ادبیات اینستیتوتوندا علمی ایشچی اولوب.

او، آذربایجان دولت اونیورسیتتین‌ده دوسنت، ۱۹۴۸-جی ایلده‌ن پروفسور کیمی فعالیت گؤستریب، آذربایجان ادبیاتی کافدراسینین مدیری اولوب.

ادیب یوزلرله حکایه‌نین، ۷۰-دن چوخ کیتابین مؤلفیدیر. میر جلال پاشایئو اوچ جیلدلیک «آذربایجان ادبیاتی تاریخی» توپلوسونون (۱۹۵۷-۱۹۶۰) یازیلماسیندا دا امکداشلیق ائدیب.

«دیریلرین آدامی»، «بیر گنجین مانیفستی»، «یولوموز هایانادیر» و «یاشیدلار» پاشایئوین ان مشهور اثرلریدیر.

۱۹۷۸-جی ایل سنتیابرین ۲۸-ده وفات ائد‌ن گؤرکملی پداگوگ، باکی شهرین‌ده، ایکینجی فخری خیاباندا دفن ائدیلیب.