میللت وکیلی، میللی مجلیسین مدنیت کمیته‌سینین صدری قنیره پاشایئوانین وفاتی ایله باغلی تورکیه‌لی تانینمیش شاعر، تورک ادبیاتی وقفینین باشقانی سرحاد (سرحات) کاباکلی (احمد کاباکلینین قارداشی اوغلودور – رد.) سوسیال شبکه حسابیندا غیر عادی پایلاشیم ائدیب.

Kult.az خبر وئریر کی، او، ایللر اؤنجه قنیره خانیمین اونا اؤز آرزوسونو دیله گتیردیینی بیلدیریب.

«قیمت‌لی قارداشیم، کئشکه وقفده‌کی خوجالی آنما گونونده منه «آغابی، خوجالینی آلاق، الله همین گون منیم جانیمی آلسین» دئمسیدین…» – کاباکلی یازیب.

شاعر بونونلا قنیره خانیمین اؤزونو خوجالییا قربان دئدیینی خاطیرلادیب.

سوسیال شبکه‌لرده ایسه بو، حیرتله قارشیلانیب و قنیره خانیمین وطنی نه قدر سئودیی، بو آرزونو نئجه ایچده‌ن دئدیی و اللهین بونو قبول ائتدیی حاقدا ریلر پایلاشیلماقدادیر.

قید ائدک کی، قنیره پاشایئوا اردوموزون آنتی‌ترور تدبیرلریندن و قاراباغ‌داکی سپارات‌چی-ترورچولارین تام تسلیم اولدوغونو اعلان ائتمه‌سیندن ۳ گون سونرا – ۲۳ سنتیابردا کما وضعیتینده مرکزی کلینیک خسته‌خانایا یئرلشدیریلمیشدی.

۲۸ سنتیابردا – قاراباغ‌داکی قوندارما قورومون اؤزونو بوراخدیغی و اردوموزون خوجالییا گیردیی گون وفات ائتدی.