هوللیوود ایستحصالی اولان «کارایب دنیزینین قولدورلاری» فیلمینی یقین کی، سیر ائتمه‌یه‌ن آز آدام تاپیلار. بو فیلمین باش قهرمانی "جئک سرچه" ("ژاجک اسپارروو") اوبرازینین پروتوتیپینین تورک اولدوغونو ایسه هامی بیلمیر.

Kult.az بو مشهور فیلم باره‌ده ماراقلی فاکتی تقدیم ائدیر.

جونی دئپپین جانلاندیردیغی کارایب قولدورو اوبرازینا دقت یئتیرسک، اونون قولاغیندا قدیم عثمانلی تاناسی، یعنی سیرغانین اولدوغونو گؤرمک اولار. تانانین اوزرینده قدیم تورک بایراغی و عثمانلی توغو حک اولونوب.

قدیم تورکلرده یالنیز بیر قولاغا تاخیلان سیرغایا تانا دئییردیلر. تانانی قهرمان‌لیقلا آد چیخارمیش ایگیدلر تاخاردیلار. بو، فرقلندیریجی نیشان ساییلیردی. یئری گلمیشکن، تانا سؤزو سیرغا معناسیندا ایندی ده بیر چوخ بؤلگه‌لریمیزده ایستیفاده اولونور.

فیلمین رژیسورو قور وربینسکی تورک تاریخینی چوخ یاخشی بیله‌ن، عثمانلی پادشاهلارینین حیرانی اولان آراشدیرماچیدیر.

او، عثمانلی تاریخینی آراشدیرارکن، اورتا عصرلرده یاشامیش قهرمان دنیزچی یونوس کاپیتانین حکایه‌سیندن ایلهام‌لاناراق "جک سرچه" اوبرازینی یارادیب. یونوس کاپیتانی خاطیرلادان او تانانی دا اوبرازین آکسئسوارلارینا رژیسور اؤزو علاوه ائدیب.