بو گون اؤزونه‌مخصوص یارادیجیلیق طرزی ایله بوتون ایراندا مشهور اولان آذربایجانلی شاعر و یازیچی عمران صلاحی‌نین آنیم گونودور.

Kult.az خبر وئریر کی، او، ۲۰ فئورال ۱۹۴۷-جی ایلده تهران‌دا آنادان اولوب.

آتاسی اردبیللی، آناسی شمالی آذربایجان‌دان اولان عمران صلاحی‌ تحصیلینی تهران و قم شهرلرین‌ده آلیب.

اوشاق یاشلارین‌دان ادبیاتا مئییل‌لنه‌ن عمران صلاحی‌نین ایلک شعیری ۱۹۶۱-جی ایلده اوشاقلار اوچون بوراخیلان "اطلاعات کودکان" ژورنالیندا درج اولونوب.

او، داها سونرا ۱۹۶۷-جی ایلده‌ن باشلایاراق تانینمیش شاعر و یازیچی احمد شاملونونون باش رئداکتورو اولدوغو "خوشه" ژورنالی ایله امکداشلیغا باشلاییب.

۱۹۷۳-جو ایلده ایران رادیوسوندا ایشه باشلایانا آذربایجانلی شاعر و یازیچی دؤورونون ان اعتبارلی ادبی ژورناللاری ایله امکداشلیق ائدیب، مختلیف ایمضالارلا یوزلرله ادبی، اجتماعی و تنقیدی مقاله‌سی درج اولونوب.

ایران یازیچیلار بیرلیینین عضوو اولان عمران صلاحی‌ تهران‌دا یاشاماسینا، تحصیلینی فارس دیلینده آلماسینا و فارسدیللی ادبیاتچیلارلا اونسیتده اولماسینا باخمایاراق، آذربایجان دیلینده یئنی اوسلوبدا یازدیغی شعیرلری ایله آذربایجان‌لیلار طرفیندن ان چوخ سئویله‌ن شاعرلردن بیرینه چئوریلیب.

یاشادیغی مدت‌ده ۲۹ کیتابی نشر ائدیلن آذربایجانلی یازیچی و شاعرین آذربایجاندا، یئنی نسیل ادبیاتچیلار آراسیندا ان چوخ بیه‌نیله‌ن اثری آنا دیلینده نشر اولونان "آینا کیمی" شعیرلر کیتابیدیر.

عمران صلاحی‌ ۳ اوکتیابر ۲۰۰۶-جی ایلده اورک توتماسی نتیجه‌سینده تهرانین "طوس" خسته‌خاناسیندا دونیاسینی دییشیب.

اونون اؤلوموندن سونرا ۳ آی عرضینده آذربایجان و ایران شهرلرینده ۱۲۰ آنیم مراسیمی کئچیریلیب، اونون خاطره‌سینه پوچت مارکاسی بوراخیلیب.

آینا کیمی

پارچالاندیق، سینمادیق

داش آتانلار بیلمه‌دیلر

پارچالانمیش آینادا

بیر آیدان مین آی دوغار

بیر گونش‌دن مین گونش

بیر اولدوزدان مین اولدوز

پارچالاندیق آینا کیمی –

چوخالاریق، چوخالداریق ایشیغی!

تهران – ۱۹۸۵