بو گون گؤرکملی بسته‌کار، خالق آرتیستی، دولت مکافاتی لاورئاتی توفیق قولیئوین آنیم گونودور.

Kult.az خبر وئریر کی، بؤیوک صنعتکارین وفاتیندان ۲۳ ایل اؤتور.

توفیق قولیئو ۱۹۱۷-جی ایل نیابرین ۷-ده باکی شهرینده آنادان اولوب، ائرکه‌ن یاشلاریندان موسیقییه ماراق گؤستریب.

اؤتن عصرین ۳۰-جو ایللرینده آذربایجان دولت کنسرواتورییاسینین نزدینده‌کی مکتبین فورته پیانو صینفینه داخیل اولوب. بو تحصیل اوجاغیندا درس دئیه‌ن آصف زینال‌لی اونون اینکیشافینا بؤیوک تأثیر گؤستریب.

۱۹۳۴-جو ایلده قولیئو دیریژورلوق فاکولته‌سینه داخیل اولور. هله کونسرواتورییادا اوخودوغو واختلاردا - ۱۹۳۵-جی ایلده آذربایجان دولت درام تئاتریندا دیریژورلوق فعالیتینه باشلاییر، سونرالار مختلیف موسیقی کولکتیولرینه دیریژور کیمی رهبرلیک ائدیر.

محض او.حاجیبیلینین و بؤیوک صنعتکار بولبولون رهبرلییی ایله گنج موسیقیچینین فعالیت ساحه‌سی شاخه‌لنیر. موسیقی فولکلورونون توپلانیلماسی ساحه‌سینده مهم ایشلر گؤره‌ن بسته‌کار ۱۹۵۵-جی ایلده «آذربایجان خالق رقصلری»نی فورته پیانو اوچون ایشله‌ییب، «آذربایجان خالق ماهنیلاری» توپلولاری اوچون چوخسایلی ماهنیلاری نوتا کؤچوروب. خالق موسیقی اینجیلرینین مکمل نمونه‌لری اولان «ائولری وار خانا-خانا» و «قوی گولوم گلسین، آی، ننه» ماهنیلارینی سس و سیمفونیک اورکستر اوچون ایشله‌ییب. بسته‌کار هم ده هیند، بلغار، عرب ماهنیلارینین بؤیوک بدیعی اوستالیقلا سس و فورته‌پیانو اوچون واریانتلارینی یارادیب.

صنعتکارین محاربه ایللرینده بسته‌لدیی بیر سیرا ماهنیلاری – «آذربایجان دیویزییاسی»، «وطن حاقیندا ماهنی»، «آذربایجان»، «دؤیوشچولرین ماهنی‌سی» و س. اینسانلارین تمیز حسلرینی، وطنه محبتینی ترنم ائدیر، اونلاردا روح یوکسک‌لییی یارادیر.

بسته‌کار آذربایجان موسیقی‌سینده لیریک ماهنیلارین کلاسیک نمونه‌لرینی عرصه‌یه گتیریر. صنعتکارین نیظامینین «کؤنلوم» و «سئوگیلیمه»، خاقانینین «بختور اولدوم» سؤزلرینه یازدیغی رومانسلار سون درجه فسونکار سس‌لنیر. «سنه ده قالماز»، «غمگین ماهنی»، «ایلک باهار»، «نئیلیم»، «آخشام ماهنی‌سی»، «باکی گئجه‌لری» کیمی ماهنیلاری اینسانین داخیلی عالمینی، هیجانینی، محبتینی رومانتیک بیر دیلله عکس ائتدیریر

صنعتکارین یارادیجیلیغیندا ماهنی ژانری آپاریجی اولسا دا، بدیعی ایستعدادی بونونلا محدودلاشمیر. او، بؤیوک هوسله کینو صنعتی اوچون چالیشیر، یئتمیشدن چوخ فیلمه موسیقی بسته‌لییر. «صبوحی»، «اؤگئی آنا»، «گؤروش»، «بختیار»، «اونو باغیشلاماق اولارمی»، «تلفن‌چو قیز»، «نسیمی» و س. فیلملره یازدیغی موسیقی اؤزونون مئلودیکلییی، طبیعی‌لییی ایله سئچیلیر، ماهنیلاری ایسه جوشقون ایلهاملا اوخونور.

توفیق قولیئو ۲۰۰۰-جی ایلده اوکتیابرین ۴-ده باکی شهرینده دونیاسینی دییشیب.