ایرانین اسلامی ارشاد ناظرلییی تورک دیلینین گرامماتیکاسی ایله باغلی اولان «مظهر التورکی» کیتابینین نشرینه اجازه وئرمه‌ییب.

Kult.az خبر وئریر کی، بو باره‌ده کیتابین ترتیباتچیسی و نشره حاضرلایانی، اردبیلین فرهنگییان اونیورسیتتینین علمی هئیتینین عضوو دکتر اختیار بخشی معلومات یاییب.

«کیتابین نشره حاضرلانماسی اوچون ۷ ایل چالیشمیشام. بونا باخمایاراق، ایرانین ایسلامی ایرشاد ناظرلییی اونون چاپینا اجازه وئرمه‌دی. خواهیش ائدیره‌م کیتابیمین الکترون وئرسییاسینی ممکن قدر بوتون گروپلاردا یایین»،- دکتر بخشی دئییب.

قید ائدک کی، کیتابین مؤلفی عبدالرحیم شیروانی قاجار سلاله‌سی دؤورونده اردبیل شهرینده آنادان اولوب، شاماخی شهرینده یاشاییب.

یتکین یاشلاریندا شیراز شهرینه کؤچن عالیم، اورادا فارسلارا تورک دیلینی اؤیرتمک اوچون «مظهر التورکی» کیتابینی یازیب.

او، بونونلا یاناشی، «ایراندا یاشایان تورکلرین دیلی»، «تورکستان، چین، ماچین، ختا و خؤتنده یاشایان اؤزبکییه و قالموق طایفالارینین تورکی جیغاتایی دیلی» و «روم‌دا یاشایان عثمانلی طایفالارینین دیلی» اثرلرینین مؤلفی‌دیر.