آذربایجانین ماساللی رایونوندان اولان اون اوچ یاشلی قیز سارینگول زاهیدلی مسکوادا کئچیریلن ۱۴-جو بین‌الخالق "بیاض چلیک" خئیرییه فستیوالین‌دا اوغورلا چیخیش ائدیب.

Kult.az خبر وئریر کی، او، روسییالی ایفاچیلار دیانا قورتسکایا و سوسو پاولیاشویلی ایله بیرلیکده ماهنی ایفا ائدیب.

سارینگول روسیا پایتختینا ساغلاملیق امکانلاری محدود اوشاقلار اوچون ۵ نمره‌لی رسپوبلیکا خصوصی اینترنات مکتبینین دیرکتورو ایراده وزیرووا و معلمی خوشقده‌م احمدووا ایله بیرلیکده گئدیب.

فستیوال‌دا ۱۱ اؤلکه‌دن - آذربایجان، بلاروس، گرجستان، قازاخیستان، قیرغیزیستان، مولدووا، روسییا، تاجیکیستان، تورکمنستان، ارمنیستان و اؤزبکیستاندان گؤرمه محدودیتی اولان ۷۳ گنج آرتیست اشتراک ائدیب. "آغ قامیش" بین‌لخالق خئیرییه فستیوالی ۲۰۱۰-جو ایلده‌ن کئچیریلیر. تدبیر گؤرمه محدودیتی اولان ایستعدادلی اوشاقلاری و شوو-بیزنس اولدوزلارینی بیر صحنه‌ده بیر آرایا گتیریر.

"آغ قامیش"این ایدئیاسی ساغلاملیق امکانلاری محدود اوشاق و یئنی‌یئتمه‌لری مدنی و سوسیال حیاتا جلب ائتمک، اونلارا یارادیجی اؤزونو رئاللاشدیرماق امکانی وئرمکدیر. فستیوالین بوتون موجودلوغو عرضینده روسییانین مختلیف رگیونلاریندان و ام.د.ب اؤلکه‌لرین‌دن ۱۰ مین‌دن چوخ ایستعدادلی اوشاق بو فستیوال‌دا اشتراک ائدیب.