دونیا شهرت‌لی پیانوچو فاضیل سایین ایسوئچره‌ده‌کی ۴ کنسرتی فیلیسطینه دستک مئساژلارینا گؤره لغو ائدیلیب.

Kult.az خبر وئریر کی، صحبت صنعتچینین اوکتیابرین ۲۳، ۲۴، ۲۵ و ۲۶-دا سوریخ، برن، جنوره و اسوچره‌نین لوزرن شهرلرینده وئرجیی کونسرتلردن گئدیر.

مسئله ایله باغلی فاضیل سای سوسیال مئدیا حسابیندان آچیقلاما وئره‌رک بو سؤزلری دئییب:

«میگروس (ایسوچره) شیرکتینین رسمیلری اسرائیل-فیلیسطین گرگینلییی ایله باغلی سوسیال مئدیادا عکس ائتدیردییم فیکیرلریمی کنسرتلرین لغوینه سبب کیمی گؤستردیلر. بوتون یازیلاریم هئچ بیر دییشیکلیک اولمادان سوسیال مئدیامدا قالیر. من صولح طرفدارییام. بوتون بیاناتلاریم صولح اوچون ایدی.

۲۴ ایلدیر اسرائیله گئدن بیرییه‌م. ترور حادثه‌لری هامیمیز کیمی منی ده کدرلندیردی. من ده یازمیشدیم کی، نتانیاهونون گلجیی اولمایان محاربه سیاستینی چوخ یانلیش و جینایتکار حساب ائدیره‌م. من بیلیردیم کی، آوروپادا ایفاده آزادلیغینا اعتبار ائتمک اولار و هئچ بیر قارانلیق و یا آنلاییشسیزلیق اولمایاجاق. بو ناراحات ائدیجی حادثه منیم اینامیمی سارسیتدی».