«آذربایجان خزر دنیز گمی‌چی‌لییی» نین سفاریشی ایله اؤلکه‌میزده میللی گمیچیلیین اساسینین قویولماسینین ۱۶۵ ایللیینه حصر اولونموش «اوچ عصره شاهد» آدلی قیسامئتراژلی بدیعی-سندلی فیلم چکیلیب.

Kult.az خبر وئریر کی، فیلمین قورولوشچو رژیسورو امکدار اینجه‌صنعت خادیمی الخان جفروو، باش رولدا ایسه خالق آرتیستی فخرالدین مانافوو چکیلیب.
اکران اثرینده میللی گمیچیلیین زنگین تاریخی، عنعنه‌لری، معاصر دورده‌کی اینکیشافی عکسینی تاپیب. بوندان باشقا، فیلمده ۱۸۵۵-۱۹۱۶-جی ایللرده یاشایان، گمیچیلیک تجروبه‌سینه و سریشته‌سینه گؤره روس آدمیرالینین قراری ایله دیپلم آلان ایلک آذربایجان‌لی دنیزچی حاجی وهاب علیقولو اوغلونون تیمثالیندا دنیزچیلریمیزین عمومیلشدیریلمیش اوبرازی تقدیم اولونور.

فیلم‌ده بدیعی صحنه‌لرله یاناشی، ایزلییجیلری تعجبلندیره‌جک سندلی کادرلار دا یئر آلیب.

فیلمین سوژت خطی کیمی، موسیقی‌سی ده اوریژیناللیغی ایله سئچیلیر. اکران ایشینده سس‌لنه‌ن «خزرین ساحلینده» ماهنیسینا خالق آرتیستی عالیم قاسیموو و آراز هومبتلی یئنی نفس وئریب.

بدیعی-سندلی فیلم یاخین گونلرده آسکو-نون بوتون رسمی پلاتفورمالاریندا تقدیم اولوناجاق.