بو گون آذربایجان موسیقی مدنیتی تاریخینده اؤزونه‌مخصوص یئری اولان خالق آرتیستی مسلم ماقومایئوین وفاتیندان ۱۵ ایل اؤتور.

Kult.az خبر وئریر کی، او، ۱۹۴۲-جی ایل باکی‌دا آنادان اولوب.

ایلک دفعه ۱۴ یاشیندا دنیزچیلر کلوبوندا چیخیش ائد‌ن م. ماقومایئو بیرینجی اوغورونو ۱۹۶۲-جی ایلده قازانیب. مایسترو نیازینین توصیه‌سی ایله طلبه و گنجلرین هلسینکیده کئچیریلن ۸-جی عموم دونیا فستیوالینا یوللانان مسلم اورادان مئداللا قاییدیب.

او، ۲۰-جی عصرین ۶۰-جی ایللرین‌ده آذربایجان دولت اوپرا و بالت تئاترینین سولیستی اولوب، "لا سکالا" میلان تئاتریندا تجروبه کئچیب. انریکو پیاتسا ایله "سئویلیا بربری" اوپئراسیندان فیگارونون، "توسکا" اوپراسیندان سکارپیانین پارتییالارینی حاضرلاییب. ۱۹۶۰-۷۰-جی ایللرده مسلم ماقومایئوین مشهورلوغونون حدودو یوخ ایدی، کنسرت سالونلارینداکی یئرلر آزلیق ائدیر، او، ایستادیونلاردا مینلرله دینلییجی قارشی‌سیندا چیخیش ائدیر، دایم گاسترول سفرلرینده اولوردو. ماهنیلاری یازیلمیش واللار چوخ بؤیوک تیراژلا بوراخیلیردی.

اونا ۳۱ یاشیندا اس.اس.ار.ای خالق آرتیستی آدی وئریلیب. ماقومایئوین رپرتواریندا ۶۰۰-دک اثر وار. بؤیوک صنعت‌چی هم ده گؤزل ماهنیلار مؤلفیدیر. اونون خالق شاعری نبی خزرینین سؤزلرینه بسته‌لدیی و دیللر ازبری اولان عظمتلی "آذربایجان" ماهنی‌سی اؤلکه‌میزه اتحاف اولونموش ان گؤزل اثردیر. موغه‌ننی هم ده "اوخویور مسلم ماقومایئو"، "نظامی"، "مسکوا نوتلاردا" فیلملرینده چکیلیب. مسلم ماقومایئو چوخشاخه‌لی صنعتکار اولوب.

آذربایجان خالقینین زنگین موسیقی عنعنه‌لرینین قورونوب ساخلانیلماسیندا و معاصر دورده لاییقینجه اینکیشاف ائتدیریلمه‌سین‌ده مسلم ماقومایئوین یاراتدیغی، رهبرلیک ائتدیی آذربایجان دولت استرادا-سیمفونیک اورکستری مهم رول اویناییب.

ماقومایئوین میللی موسیقی مدنیتیمیزین انکشافی ساحه‌سینده مهم ناعیلیتلری هر زامان یوکسک قیمتلندیریلیب. او، مستقیل آذربایجان رسپوبلیکاسینین عالی مکافاتلاری - "شهرت" و "استقلال" اوردنلری ایله تلطیف ائدیلیب.

اونودولماز صنعتکار ۲۰۰۸-جی ایلین ۲۵ اوکتیابریندا ۶۶ یاشیندا دونیاسینی دییشیب و باکی‌داکی بیرینجی فخری خیاباندا دفن اولونوب.