گونئی‌لی رژیسسور ارتوران نجفی گؤلون «نوروزنامه» قیسامتراژلی فیلمی ۸-جی بین‌الخالق تورک دنیاسی سندلی فیلم فستیوالینین «ان یاخشی قیسامتراژلی سندلی فیلم» نومیناسییاسیندا قالیب اولوب.

بو باره‌ده Kult.az-آ فیلمین یارادیجی هیئتی معلومات وئریب.

وورغولانیب کی، بو ایل آنکارادا گئرچکلشه‌ن فستیوالین مقصدی تورک دنیاسینین اورتاق مدنی دیرلرینی و تاریخینی تانیتماقدیر.

«نوروز» فیلمی «اورمییا گنج کینماتوگرافچیلار درنیی» ایله «بوتا فیلم»این بیرگه استحصالیدیر.

فیلمین پرودوسرلری سئوینج ممدووا و ارتوران نجفی گؤلدور. ۳ جو-پرودوسر ایسه «بوتا فیلم»این رهبری ایلقار نجفدیر.

قید ائدک کی، فستیوالدا اشتراک ائد‌ن رژیسسور لیلاخانیم قنبرلینین «بؤیوک قیرمیزی ائو» فیلمی ژورینین خصوصی مکافاتینا لایق گؤرولوب.