«۲۰۱۸-جی ایلده باجیم قیزی آیلانین اسراری ایله کینوتئاتردا عائله‌لیکجه «آیلا» آدلی فیلمی ایزلدیک. بوتون تاماشاچیلارین گؤز یاشلاری سل کیمی آخیردی. چوخ تأثیرلی ایدی. اورادا سسلنن «آنکارا مارشی» بوتون فکرلریمه حاکم کسیلدی».

Kult.az خبر وئریر کی، بونو «آنکارا مارشی»نی یئنی طرزده ایفا ائد‌ن آذربایجانلی بسته‌کار-موغننی رشاد اسماعیل بیلدیریب.

او قید ائدیب کی، ایفاسینی تورکیه جمهوریتینین یارادیلماسینین ۱۰۰-جو ایلدؤنومونه حصر ائدیب: «۲۹ اوکتیابر ۱۹۲۳-جو ایلده مصطفی کمال آتاتورک طرفیندن تورکیه جمهوریتی اعلان ائدیلدی. رسپوبلیکانین یارادیلماسینین ۱۰-جو ایلدؤنومونده شاعر محمت عالی ارتکین «آنکارا» آدلی شعر سسلندیردی. بونا بیگانه قالمایان بسته‌کار خلیل بدیی یؤنتکن ایسه همین شعره ماهنی یازدی.
همین ماهنینی من ایلک دفعه «آیلا» فیلمینده دینلدیم و چوخ سئودیم. فیلم تورکیه عسگرلرینین جنوبی کورئیادا محاربه‌ده اشتراکیندان بحث ائدیر. اورادا بیر تورک عسگر محاربه‌دن سونرا داغینتیلار آلتیندان بئش-آلتی یاشیندا بیر کورئیالی قیزی چیخاریر. قیز تورکجه باشا دوشمور دئیه آدینی دئیه بیلمیر، اونون آدینی همین عسگر آیلا قویور و اونا قیزی کیمی باخیر».

موغننی بیلدیریب کی، ماهنی اوچون کلیپین چکیلیشلری بو ایلین آوگوست-سنتیابر آیلاریندا تورکیه‌نین پایتاختی آنکارادا، ائلجه ده استانبول شهرینده باش توتوب: «اوکتیابرین ۲۹-دا تورکیه رسپوبلیکاسینین یارادیلماسینین ۱۰۰ ایلی تمام اولور. بیلدیینیز کیمی، آذربایجاندا من وطنپرور ماهنیلارین ایفاچی‌سی کیمی تانینیرام. قارداش اؤلکه تورکیه‌نین بو علامتدار گونونه بیگانه قالا بیلمدیم. بؤیوک سئوگی و قورورلا بو لایحه‌نی حیاتا کئچیردیم. یاشاسین آذربایجان-تورکیه قارداشلیغی! یاشاسین بؤیوک تورک دنیاسی!».