نووروزا عایید عادت و عنعنه‌لریمیزه فرقلی باخیش و غیری-استاندارت یاناشما طرزینه گؤره فیلم مونصیفلر هئیتی طرفیندن قیمتلندیریلیب. همچینین، نووروزو آذربایجان خالقی ایله محدودلاشدیرمامیشیق، تورک دونیاسینا عایید بایرام کیمی تقدیم ائتمیشیک.

بو سؤزلری Kult.az-آ گونئی‌لی رژیسور ارتوران نجفی گؤل «ان یاخشی قیسامئتراژلی سندلی فیلم» نومیناسییاسینین غالیبی اولان «نووروزنامه» فیلمی حاقین‌دا دانیشارکن دئییب.

اونون سؤزلرینه گؤره، فستیوالین مقصدی تورک دونیاسینین اورتاق مدنی دیرلرینی و تاریخینی تانیتماقدان عبارت اولوب:

«نوروزنامه» قیسامئتراژلی فیلمی ۸-جی بین‌الخالق تورک دنیاسی فستیوالینین «ان یاخشی قیسامئتراژلی سندلی فیلم» نمیناسییاسینین قالیبی اولدو. فیلم‌ده بایاتیلار، نغمه‌لر، بیر سؤزله، فولکلوردان علاوه، نووروز بایرامینین میفولوژی کؤکلرینده بوتون تورک دونیاسینی بیرلشدیره‌ن المنتلری گؤسترمه‌یه چالیشمیشیق. بو، فستیوال‌دا مونصیفلر طرفیندن ماراقلا قارشیلاندی. فیلم «اورمییا گنج کینئماتوگرافچیلار درنیی» ایله «بوتا فیلم»این بیرگه محصولودور.

فیلمین پرودوسئرلری حیات یولداشیم سئوینج مممدووا، من و «بوتا فیلم»این باشچی‌سی ایلقار نجفدیر».

رژیسورون سؤزلرینه گؤره، او، بو فیلمین اوزرینده ۱۰ ایلده‌ن چوخ چالیشیب:

«چکیلیشلره ۲۰۱۰-جو ایلدن باشلامیشام، ۲۰۲۳-ده بیتیردیم. بئله چوخ زامان آلماسی ایسه مختلیف مکانلاردا چکیلیش آپاریلماسی ایله باغلی ایدی. فیلم‌ده دؤرد داغ گؤرونور. بیرینی بو داغدا، او بیرینی اوزاق مسافه‌ده یئرلشن باشقا بیر داغدا چکمه‌لی اولوردوق. چکیلیش مکانلاری چوخ ایدی و آغیر فیلم ایدی. فیلمین چوخ حیصه‌سی اورمییادا، تبریزین اطرافیندا اولان کندلرده چکیلیب. اورانین طبیعتینده، داغلارین‌دا، بز قالاسیندا یارادیجی هئیت گونلرله قالاراق گؤرونتولر الده ائدیب. چوخ آز حیصه‌سی ایسه بو تای‌دا چکیلیب. ایسماییللی‌دا مئشه‌لیک، داغ، چای گؤرونتولرینی لئنته آلمیشیق. آکتیورلارلا اولان قوراشدیرما صحنه‌لرین هامی‌سی گونئی‌ده چکیلیب. بیر سیرا فستیواللارا یئنه دعوت آلمیشیق و یاخین گونلرده باکی‌دا تقدیماتی کئچیریله‌جک».