بو گون گؤرکملی بسته‌کار، خالق آرتیستی امین ثابیتوغلونون آنادان اولماسینین ۸۶-جی ایلدؤنومودور.

Kult.az خبر وئریر کی، او، ۲ نویابر ۱۹۳۷-جی ایلده باکی شهرین‌ده یازی‌چی ثابت رحمانین عائله‌سینده آنادان اولوب.

اوزییر حاجیبی‌لی آدینا باکی موسیقی آکادمییاسینین نزدینده‌کی اورتا موسیقی مکتبین‌ده (ایندیکی بولبول آدینا مکتب‌ده) تحصیل آلدیقدان سونرا، او، ۱۹۵۴-جو ایلده کنسرواتورییایا قارا قارایئوین صینفینه داخیل اولوب. ایکی ایلده‌ن سونرا ایسه چایکووسکی آدینا موسکوا دؤولت کنسرواتورییاسینا یوری شوپورینین بسته‌کارلیق صینیفینه کئچیریلیب.

سونرالار ائمین ثابیتوغلو «آذربایجانفیلم» کینوستودییاسین‌دا موسیقی رداکتورو وظیفه‌سین‌ده چالیشیب. سونراکی ایللرده دولت فیلارمونییاسیندا بدیعی رهبر، حاجیبی‌لی آدینا دولت کنسرواتورییاسین‌دا (ایندیکی حاجیبی‌لی آدینا باکی موسیقی آکادمییاسی) معلم ایشله‌ییب.

اؤتن یوزیل‌لیکده آذربایجان موسیقی‌سی تاریخین‌ده لاییق‌لی ایز قویوب گئدن امین ثابت اوغلو محمودوو میللی بستکارلیق مکتبینین لاییقلی نماینده‌لریندن بیریدیر. خالق آرتیستی، دولت مکافاتی لاورئاتی، «شهرت» اوردنلی بسته‌کارین کینو و تاماشالاردا سس‌لنه‌ن موسیقیلری دیللر ازبریدیر، آیری-آیری موغه‌ننیلرین رپرتوارین‌دا گئنیش یئر توتور. اونون فیلملره یازدیغی موسیقیلر یوکسک مدنیت، زنگین دونیاگؤروشو و یارادیجی اینتلکتین محصولودور. بسته‌کارتانینمیش رژیسورلاردان - حسن سیدبیلی، شامیل محمودبیوو، عاریف بابایئو، توفیق تاغیزاده، راسیم اوجاقوو و واقیف مصطفی‌یئوله امکداشلیق ائدیب، اونلارین چکدیکلری فیلملره یادداقالان موسیقی بسته‌له‌ییب.

«دده قورقود»دا، «بئشمرتبه‌لی ائوین آلتینجی مرتبه‌سی»نده، «ائولری کؤنده‌لن یار»دا، «اؤزگه عؤمور»ده، «آد گونو»نده، «گون کئچدی»ده، «بیین اوغورلانماسی»ندا، «اوتل اوتاغی»ندا. یاراتدیغی موسیقیلر ایللر کئچ‌سه ده، ابدی اولاراق یادداشلاردا یاشاییر.

امین ثابیتوغلو ۱۸ نیابر ۲۰۰۰-جی ایلده باکی شهرینده وفات ائدیب.