۱۹۶۸-جی ایلده آذربایجان رادیوسونون «قیزیل فوندو»نا داخل ائدیلن گؤرکملی آذربایجان بسته‌کاری علی‌کبر تاغییئوین «سنه قوربان» آدلی موسیقی اثرینین ارمنیلر طرفیندن «گارون» آدی آلتیندا منیمسه‌نیله‌رک ایفا ائدیلمه‌سی و یوتویوب‌دا یاییلماسی فاکتی عقلی مولکیت آگنتلیینده آراشدیریلیب.

Kult.az خبر وئریر کی، بو باره‌ده آگنتلیک معلومات یاییب.

«ایفا اولونان «گارون» آدلی موسیقی اثری آذربایجان بسته‌کاری علی‌اکبر تاغییئوین «سنه قوربان» موسیقی اثری ایله اوست-اوسته دوشور. بیلدیریریک کی، «سنه قوربان» اثری علی‌اکبر تاغییئوین آذربایجان شاعری میکائیل موشفیقین سؤزلرینه بسته‌له‌دیی و ایلک دفعه زینب خانلارووا طرفیندن ۱۹۶۸-جی ایلده ایفا ائدیلمیش ماهنی‌دیر. بسته‌کار تاغییئوین «سنه قوربان» ماهنی‌سی (سؤزلرین مؤلفی کیمی میکائیل موشفیقین آدی گؤستریلیب) ۱۹۷۸-جی ایلین ۱۰ ایون تاریخینده عقلی مولکیت آگئنتلیینده (آگنتلیک همین واخت عموم‌اتفاق مؤلف حقوقلاری آگنتلیینین آذربایجان رسپوبلیکاسی شعبه‌سی آدلانیردی) قیدیاتا آلینیب.

سونرالار بو ماهنی ارمنی مغننی‌لر تیگران آساتریان، ایسپیتاکجی هایکو، ارمنی اصیللی ایران-آمریکا پوپ ایفاچی‌سی آندرانیک مادادیان و باشقالاری طرفیندن ارمنی دیلینده "گارون" (آزرب. باهار‎) آدی ایله ایفا ائدیلیب.

بوتون آرخیو سندلری «سنه قوربان» ماهنی‌سینین آذربایجان مؤلفلرینه مخصوص اولدوغونو گؤستریر. آذربایجانین خالق آرتیستی خانلارووا خارجی اؤلکه‌لرده، او جمله‌دن ارمنیستان دا داخیل اولماقلا کئچمیش اس.اس.ار.ای-نین هر بیر رسپوبلیکاسیندا قاسترول سفرلرینده اولارکن بو ماهنینی دفعه‌لرله ایفا ائدیب.

ارمنی اصیللی ایفاچی مادادیان ایسه آذربایجان بسته‌کاری علی‌اکبر تاغییئوین «سنه قوربان» ماهنی‌سینی منیمسه‌یه‌رک اونون سؤزلرینی دییشیب و ایزی ایتیرمک مقصدیله «گارون» (باهار) آدی ایله اوخویوب. قید ائدیلن فاکت اوزون ایللردن بری داوام ائد‌ن ارمنی ادبی و موسیقی اوغورلوغونون نؤوبتی بیر نمونه‌سیدیر.

یوتویوب کانالیندا یئرلشدیریلمیش «گارون» آدلی موسیقی اثری حاقیندا وئریلن معلوماتدا علی‌اکبر تاغییئوین آدی گؤستریلممکله مؤلفین شخصی حقوقلاری، یوتویوب کانالیندا کمرسییا مقصدیله یئرلشدیریلمه‌سی نقطه نظردن ایسه علی‌اکبر تاغییئوین املاک حقوقلاری پوزولموشدور.

قید ائتمک ایستییریک کی، عقلی مولکیت آگنتلیی طرفیندن متمادی اولاراق آذربایجان خالقینا مخصوص اولان مؤلف اثرلرینین، فولکلور نمونه‌لرینین و دیگر غیری-مادی مدنی ارث نمونه‌لرینین اوزون ایللردن بری ارمنیلر طرفیندن زمان-زمان اوغورلانماسی، منیمسنیلمه‌سی و ارمنی نمونه‌لری کیمی تقدیم اولونماسی حاللارینا قارشی مبارزه آپاریلیر، هر بیر فاکت اوزره آراشدیرمالار آپاریلاراق تاریخی اساسلارا سؤیکه‌نن و همین اثرلرین آذربایجان خالقینا مخصوص اولماسینی دانیلماز فاکتلارلا ثبوت ائد‌ن آراییشلار حاضرلانیر، کوتلوی اینفورماسییا واسطه‌لرینده یاییلیر»، - معلوماتدا بیلدیریلیب.