یوخاری

یاراتدیغی ارمنی اوبرازینا گؤره باشی بلالار چکن آکتیور...

آنا صحیفه کولت
12 Punto 14 Punto 16 Punto 18 Punto

بو گون خالق آرتیستی، تئاتر و کینو آکتیورو ملیک داداشووون آنیم گونودور.

Kult.az خبر وئریر کی، ملیک داداشوو ۱۹۲۴-جو ایلده باکی‌دا دوغولوب. ۱۹۵۰-جی ایلده آذربایجان تئاتر اینستیتوتونو (ایندیکی آذربایجان دؤلت مدنیت و اینجه‌صنعت اونیورسیتتی - رئد.) بیتیردیکدن سونرا عزیزبیوو آدینا آکادمیک درام تئاتریندا ایشه باشلاییب و بورادا ایلک دفعه «عائله ناموسو» پیئسینده اویناییب.

اونون یارادیجیلیغینین باشلانغیجی آذربایجان میللی تئاتر صنعتینین گوجلو اینکیشاف دؤورونه تصادف ائدیب. ملیک داداشوو آذربایجان کینوسون‌دا یادداشلاردان سیلینمه‌یه‌جک اوبرازلار یارادیب.

داداشووون آذربایجان آکتیورلوق مکتبینین فورمالاشماسیندا خصوصی خیدمتلری وار. او، ۳۵-ه یاخین بدیعی فیلمده چکیلیب.

«آخیرینجی آشیریم»دا «غملو»، «دلی کور»ده «ملا صادیق»، «او دونیادان سلام»دا «شئیخ نسروللاه»، «بیریسی گون گئجه یاریسی»ندا «نریمان نریمانوو»، «فریاد»دا «آرام خاچاتوریان» اوبرازلاری هامینین یادداشیندادیر.

قید ائدک کی، داداشوو «فریاد» فیلمین‌ده «آرمن خاچاتوریان» رولونا وفاتیندان اوچ ایل اول چکیلیب.

عائله‌سی اونون بو رولا چکیلمه‌سینین علیهینه اولسا دا، ارمنی کیروه‌نین ایچ اوزونو گؤسترمه‌یه ادعالی اولان آکتیور ایستدیینه نایل اولور.

فیلم اکرانلارا چیخدیقدان سونرا یاشلی بیر قادین کوچه‌ده اونون قارشی‌سینی کسه‌رک، عنوانینا تحقیرآمیز سؤزلر ایشله‌دیر. سونرا دا گؤز یاشلاری ایچریسینده «آخی سن نیه او فیلمه چکیلدین؟ هر دفعه فیلمه باخاندا اؤزومو ساخلایا بیلمیرم. همین آن یانیمدا اولسان، یقین کی، سنی اؤلدورره‌م» دئییر. قادین اطرافداکیلارا هجوم ائدیر و «آی جماعات، بو، ارمنی‌دیر»، - دئییر.

بو زامان پلیس امکداشی اوندان سندلرینی طلب ائدیر. داداشوو فیلم‌ده ارمنی رولوندا اولدوغونو قید ائتدیکدن سونرا اوندان ال چکیرلر.

او، او.شکسپیرین «اون ایکینجی گئجه»، L.Tolstoyun «جانلی میت»، وورغونون «فرهاد و شیرین»، قربانووون «سن‌سیز»، قاسیمووون «ناغیل باشلاناندا» و دیگر تماشالاردا دا ماراقلی اوبرازلار یارادیب. عمرونون سون ایللرینده صمد وورغون آدینا روس درام تئاتریندا چالیشیب.

بو تئاتردا دیرکتور کیمی چالیشدیغی دؤورده تئاترین رپرتواری خیلی زنگینلشیب، بورا یئنی یارادیجی قوه‌لر جلب اولونوبلار. ۱۹۸۰-جی ایللردن آذربایجان دؤولت مدنیت و اینجه‌صنعت اونیورسیتتین‌ده آکتیور صنعتیندن درس ده دئییردی.

داداشوو ۱۹۹۶-جی ایلده ۷۲ یاشیندا باکیدا وفات ائدیب.

تاریخ
2023.12.02 / 14:30
مولف
Axar.az
شرح لر
دیگر خبرلر

هاری پوتر فیلمینی سئوه‌نلری اوچون خوش خبر

کور چایی حاقین‌دا فیلم چکیله‌جک

آغدام‌دا انیان شهری روسلاری قورخوتدو، قاداغان ائتدیلر…

تبریزلی خانیم تاردا آذربایجان ماهنی‌سی ایفا ائتدی - ویدئو

ویانادا «آرزو بالیق داستانی» تقدیم اولوندو

عائله‌سینین «آرتیق» آدلاندیردیغی اصلن گونئیلی صنعتکار: فاطمه قدری

ارمنینین اؤلدوردویو کوریفی صنعتکار - نزاکت ممدووا

نظامی قطرده فارس شاعری کیمی تقدیم اولونور - ایلقار فهمی

ایران اصیل‌لی قادین آلمانییا گؤزلی سئچیلدی

ملی گئییمینه گؤره آذربایجان رقصینه اجازه وئریلمه‌دی

خبر خطّی
Axar.az'da reklam Bağla
Reklam
Bize yazin Bağla