بو گون خالق آرتیستی خرامان حاجییئوانین آنادان اولماسینین ۷۹-جو ایل دؤنومو تمام اولور.

Kult.az خبر وئریر کی، خرامان حاجییئوا ۷ مارت ۱۹۴۵-جی ایلده باکی‌دا دوغولوب.

او، اورتا مکتب‌دن درام درنکلرینده اشتراک ائدیب.

آذربایجان دولت تئاتر اینستیتوتونون آکتیورلوگ فاکولته‌سینین ایکینجی کورسوندا اوخویاندا "آرشین مال آلان" بدیعی فیلمینده آسیا رولونا چکیلیب.

۱۹۶۶-جی ایلده تحصیلینی یاریمچیق قویاراق گنجه‌یه گئدیب و اوراداکی درام تئاترین‌دا آکتریسا ایشله‌مه‌یه باشلاییب.

۱۹۷۲-جی ایلده باکییا گله‌رک گنج تماشاچیلار تئاترینین تروپاسینا داخیل اولوب.

آکتریسا تئاتر اونیورسیتتینین ایکینجی کورسوندا اوخویاندا «آرشین مال آلان» فیلمینین چکیلیشلرینده اشتراک ائدیر. درسه داوامیتی ضعیفلدیی اوچون او، اونیورسیتت‌دن اخراج اولونور.

آتاسی حقوق‌شناس، آناسی ایسه ائودار قادین اولوب. باجی-قارداشلارینین ایچین‌ده اینجه‌صنعته تکجه خرامان اوز توتوب. عائله‌سی آکتریسا اولماسینا راضی اولماییب.

کینو ایله یاناشی، تئاتر آکتریساسی اولان ورامان حاجییئوا صحنه‌ده اؤز رولونو طبیعی ایفا ائتمکدن چکینمه‌ییب. خصوصاً سئوگی صحنه‌لرینده او، کیشی آکتیورلارین رولا موافق اولاراق اونونلا صمیمی و طبیعی داورانماسینا ماکسیموم شرایط یارادیب. دیگر آکتریسالاردان فرق‌لی اولاراق کیشی آکتیورلارا رول گریی اونا توخونمالارینا، الیندن توتمالارینا اجازه وئریب.

آکتیور دوستو تاریل قاسیموولا بیر-بیرلرینه قارشی ایستی مناسیبتلری اولوب.

دئییلنه گؤره، گؤزل و جلب ائدیجی آکتریسا اولدوغو اوچون تئاترداکی بوتون باش روللار اونا وئریلیردی. بو ایسه اونون قادین همکارلارینین قیجیغینا، اونا قارشی پاخیللیق ائتمه‌لرینه سبب اولوب. بو سبب‌دن ده آکتریسا هئچ واخت قادینلارلا دوست اولماییب.

فیلم چکیلیشلریندن و صحنه گریمیندن باشقا آکتری‌سا هئچ واخت ماکیاژ ائتمه‌ییب، طبیعی گؤزل‌لییه اوستونلوک وئریب.

آکتری‌سا گنجه‌ده یاشایارکه‌ن بیر نفرله وطنداش نیکاحین‌دا اولوب. اونون بو نیکاحدان بیر قیز اولادی دونیایا گلیب. آکتریسا قیزینی تکباشینا بؤیودوب.

قیزی اولاندان سونرا خرامان حاجییئوا تئاتردان اولان ایش یولداشلارینین بیری ایله عائله قوروب. همین آدام آکتریسادان یاشدا کیچیک اولوب. آکتریسا تورکییه‌دن باکییا قاییدیب گلن‌ده حیات یولداشی ایله یوللارینی آییریب. بو آیری‌لیقدان آز سونرا اونون کئچمیش حیات یولداشی دونیاسینی دییشیر.

دئیی‌لنه گؤره، ائله آکتریسانین اؤلومونه سبب ده قیزی اولوب. آکتریسانین قیزی تورک وطنداشی ایله عائله قوروب. کورکه‌نینین خواهیشی ایله ائوینی ساتان خرامان خانیم بیر مدت تورکییه‌ده یاشاسا دا، سونرادان وطنه قاییدیر و ائوسیز قالیر.

بو احوالات اونا پیس تأثیر ائدیر، قیزی ایله تئز-تئز مباحثه‌لر یاشاییر. گونلرین بیرینده ایسه قیزی اونو ترک ائد‌رک تورکییه‌یه گئدیر. تک قالان آکتریسا چوخ عصبلشیر. قیزینین اونو ترک ائدیب گئتمه‌سی اونا بؤیوک ضربه وورور و آکتریسا انفارکت کئچیریر.

آکتریسا تورکییه‌دن قاییداندان سونرا ائوی اولمادیغین‌دان بیر ایل یاریم رفیقه‌سی و همکاری آکتریسا مسومه بابایئوانین ائوینده قالیر. داها سونرا باکییا قاییدان قیزینین عائله‌سی ایله بیرگه کیرایه‌لرده قالیر. دئییلنه گؤره کورکه‌نی مشهور اولدوغو اوچون اونو تئز-تئز مادی باخیمدان عائله‌یه کمک ائتمه‌مکده گناهلاندیریر، «سن تانینمیش آدامسان، ائوه پول تاپ گتیر» دئییرمیش.

آکتریسا ایسه قیزینین عائله‌سینده سؤز-صحبت اولماسین دئیه مجبور اولوب یاخین آداملاریندان بورجا پول آلیرمیش.

خرامان حاجییئوا ۲۰۰۵-جی ایل فورالین ۵-ده ایشده‌ن ائوه گئدرکه‌ن قفیل‌دن اوریینی توتوب کوچه‌ده ییخیلیر. کوچه‌ده‌کی اینسانلار اونو خسته‌خانایا آپارسالار دا آکتریسانین حیاتینی خلاص ائتمک اولمور. او، ۵۹ یاشیندا وفات ائدیر.