بیر داها روسییادان پول آلا بیلمه‌مه‌سی اوچون آللا پوقاچووا خاریجی آگنتلر سیاهیسینا سالینمالیدیر.

Kult.az خبر وئریر کی، بو تکلیفله روسییالی میلت وکیلی آلکسی ژوراولیوو چیخیش ائدیب.

«بوتون اوتانج حسینی ایتیرمیش پوقاچووانین نهایت، خاریجی آگنت کیمی تانینماسینی طلب ائدیره‌م. اونا گؤره کی، داها نفرت ائتدیی روسییادان پول آلا، بورادا کنسرتلر تشکیل ائده بیلمه‌سین، قونورار آلماسین. گؤرجکسینیز، تئزلیکله ایستاس میخایلووون (روسییالی موغه‌ننی) پروگنوزلاشدیردیغی کیمی، توبه ائتمک و باغیشلانما دیله‌مک اوچون سورونه‌رک گله‌جک. او زامان چوخ گئج اولاجاق»، - ژوراولیوو بیلدیریب.

قید ائدک کی، مشهور موغه‌ننی، اس.اس.ار.ای خالق آرتیستی آللا پوقاچووا اوکراینادا محاربه‌نین علیهینه چیخدیغی اوچون روسییا رسمیلری طرفیندن واخت آشیری هدفه چئوریلیر.