بو گون گؤرکملی کینو و تئاتر آکتیورو، خالق آرتیستی بشیر سفراوغلونون دوغوم گونودور.

Kult.az خاطیرلادیر کی، سفروو بشیر سفر اوغلو ۱۹۲۵-جی ایل مارتین ۱۱-ده باکی‌دا دوغولوب.

او، یئددی ایللیک تحصیلینی باکی‌دا آلیب، اون دؤرد یاشیندان سوروجولر کلوبونون درام درنیینه گئدیب. کیچیک اپیزودیک روللار اویناییب.

۱۹۴۱-جی ایلین سونوندا محاربه‌یه یول‌لانان بو آکتیور ۱۹۴۲-جی ایلده آغیر دؤیوشلرین بیرینده کونتوزییا آلاراق اوردودان ترخیص ائدیلیر. بو زامان گلجیین مشهور آکتیورونون دیلی توتولور، قولاقلاری ایسه آغیر ائشیدیر.

رژیسور نیاز شریفوو اونا منتظم اولاراق تئاتر تاماشالارینا گلمیی مصلحت گؤرور. چوخ کئچمه‌ییب کی، تئاتر سئوگیسی معجزه یارادیب. یوخوسوندا صحنه‌یه یارارسیزلیغینی گؤروب برک هیجان‌لانان بشیر سفراوغلونون دیلی ده، قولاقلاری دا آچیلیب، یاراتدیغی صحنه معجزه‌لری ده ائله بوندان سونرا باشلانیب. کونتوزییادان اذیت چکن گنج آکتیورون دیلی آچیلیر.

همین واختدان اعتباراً فیزیکی جهتدن پروبلملری اولان آکتیور تئاتر صحنه‌سینده بیر-بیریندن ماراق‌لی روللار ایفا ائدیر. کینو اونو او قدر ده اؤزونه چکمیر. بونا باخمایاراق، او، چکیلدیی یئددی فیلمله نینکی آذربایجاندا، ائلجه ده کئچمیش سووت اتفاقین‌دا تانینیر. اونون ۱۹۶۶-جی ایلده چکیلدیی بیر فیلم - «نصرالدین خوجانین ۱۲ مزاری» بس ائدیر کی، ایستعدادلی آکتیور کیمی بوتون سووئتلر میقیاسیندا تانینسین.

«نصرالدین خوجانین ۱۲ مزاری»ندا چکیله‌ن‌دن سونرا عموم اتفاق میقیاسین‌دا اؤزونو تصدیقله‌یه‌ن بشیر سفروغلونون ایر‌لی گئتمه‌سی اوچون اعلا بیر امکان یارانیر. اما حیات یئنه ده اونا داها دا ایر‌لی گئتمه‌سینه امکان وئرمیر. او، خرچنگ خسته‌لیینه توتولور. اوندان خسته‌لیینی گیزلدیرلر.

بشیر سفراوغلو "آذربایجانفیلم"ین ایستحصال ائتدیی "احمد هارادادیر؟" و "اولدوز" فیلملرینده سرخوش و گولومسروو، "تاجیک فیلم"ین چکدیی "خوجا نصرالدینین ۱۲ قبری" کینولئنتینده خواجه نصرالدین روللارینی ایفا ائدیب. رژیسور رائوف کاظیمووسکی گؤرکملی گولوش اوستاسی بشیر سفراوغلو حاقین‌دا عینی آدلی بدیعی-سندلی تلویزییا فیلمی چکیب. صنعت اوغورلارینا گؤره سفراوغلونا امکدار آرتیست و ۱۹۶۸-جی ایلده خالق آرتیستی فخری آدلاری وئریلیب.

قیزی خالق آرتیستی آفاق بشیرقیزیدیر.

ایستعدادلی صنعتکار ۱۹۶۹-جو ایلده باکی‌دا وفات ائدیب. مزاری فخری خیاباندادیر.