«آرشین مال آلان» فیلمی ۱۹۶۰-جی (هجری ۱۳۳۹) ایلده ایراندا فارس دیلینده لنته آلینیب.

Kut.az خبر وئریر کی، ۹۰ دقیقه داوام ائد‌ن اثرین رژیسورو و سناری مؤلفی صمد صباحی‌دیر.

اکران اثرینین پرمیئراسی ۵ اوکتیابر ۱۹۶۰-جی ایلده باش توتوب. فیلمین اولینده اونون اوزییر حاجیبیووون اثری اساسیندا چکیلدیی قید اولونوب، بورادا آذربایجان‌لیلارین میللی گئییملریندن ایستیفاده ائدیلیب.

صمد صباحی ۲۰-جی عصر قوزی آذربایجان یازیچی‌سی گنجه‌لی صباحینین بالاجا قارداشیدیر. صمد ۱۹۱۴-جو ایلده قوزی آذربایجانین شمکیر شهرینده آنادان اولوب. ایکینجی دونیا محاربه‌سی ایللرینده سووت وطنداشلیغینی قبول ائتمه‌یه‌ن صباحی عائله‌سینین بیر حیصه‌سی سیبیره، دیگر حیصه‌سی ایسه ایرانا سورگون ائدیلیر.

سونراکی ایللرده تهران‌دا مسکونلاشان صمد بورادا تئاتر فعالیتی ایله مشغول اولور، بعضی تورک تماشالارینی فارس دیلینه ترجمه ائد‌رک، صحنه‌یه قویور. داها سونرا ایسه کینو فعالیتینه باشلاییر. رژیسورون اوزییر حاجیبیووون یارادیجیلیغی اساسیندا اکرانلاشدیریلمیش داها بیر اثری «او اولماسین بو اولسون» فیلمی اولوب.

فیلمین اوپراتورو ایراج خاجه ناصری، پرودوسری اسماعیل کوشان، رسامی ایسه ولیوللاه خاکدان اولوب. اکران اثرینده اساس روللار تقی ظهوری، ویگن دردریان کیمی مشهور ایران آکتیورلاری طرفیندن جانلاندیریلیب.