بو گون تانینمیش موغننی رؤوشن بهجتین دوغوم گونودور.

Kult.az خبر وئریر کی، رؤوشن بهجت ۱۹۴۵-جی ایل مارتین ۱۳-ده جنوبی آذربایجانین تبریز شهرین‌ده دونیایا گلیب.

آتاسی گیل ۱۹۳۸-جی ایله قدر گنجه‌ده یاشاییب. اؤلکه‌ده معشوم رپرسییا «ماشینی» ایشه دوشدوکده تبریزه کؤچمک مجبوریتینده قالیبلار. آتاسی اورادا ائولنیب. ۱۹۴۵-جی ایل ایسه عائله‌نین ایلک اولادی روشن بهجت دونیایا گؤز آچیب. اوندان سونرا داها ۳ قارداش و ۲ باجی. آنجاق عائله ایران‌دا دا چوخ قالا بیلمه‌ییب و چوخ بؤیوک چتین‌لیکله ده اولسا، ۱۹۶۱-جی ایلده گئجه گیزلی یوللا یئنی‌دن آرازین بو تایینا قاچیبلار. گنجه‌یه گلیبلر. چونکی آتاسینین باجیلاری، داییلاری بورادا قالمیشدیلار.

بئله‌لیکله، عائله یئنی‌دن گنجه‌ده مسکونلاشیر. اوشاقلار مکتبه گئدیر. آنجاق چوخوشاقلی عائله‌نین دولانیشیغی او قدر ده یاخشی اولمور. اونا گؤره ده ایران‌دا ۹-جو صینفه قدر فارس دیلینده اوخویان رؤوشن گنجه‌ده تحصیلینی گئجه مکتبینده داوام ائتدیرمه‌لی اولور. عائله‌سینه کمک ائتمک مقصدیله آلومینیوم زاوودوندا ایشله‌مه‌یه باشلاییر. گوندوزلر ایشه، گئجه‌لر مکتبه گئدیر. گؤرونور، بو دا بیر قسمت ایدی. چونکی محض او زاود رؤوشن بهجتین موغننی کیمی تالع یولونو معینلشدیریر. زاوودون بدیعی اؤزفعالیت کولکتیوینه عضو اولور. بیر گون گنجلرین ییغیشدیغی مجلس‌ده او زامانین مشهور ماهنیلاریندان اولان «یا مصطفی»نی اوخویور. ایفاسی هامی طرفین‌دن او قدر بینیلیر کی، بوندان سونرا تشکیل اولوناجاق بوتون تدبیرلره اونو دعوت ائدیرلر.

۱۹۸۴-جو ایلده اس.اس.ار.ای وطنداشلیغینی قبول ائدیب. روشن بهجت ۱۹۶۹-جو ایلده‌ن ۱۹۹۳-جو ایلدک "گؤی گؤل" خالق چالغی آلتلری آنسامبلین‌دا چالیشیب. ۱۹۹۳-جو ایلده ایفلیج کئچیردیکدن سونرا صنعت فعالیتینی دایاندیریب. اونون ایفاسیندا بیر چوخ ماهنیلار، مغاملار، تصنیفلر و س. "قیزیل فوند"دا ساخلانیلیر.

فرقلی ایفا، گؤزل سس و ماراق‌لی ایمپروویزه‌لر سایه‌سینده روشن گئت-گئده تانینماغا باشلاییر. بیر قدر سونرا رسپوبلیکا اوزره اؤزفعالیت باخیشین‌دا اشتراک ائدیر. آنجاق اوزلشدیی بیر پروبلم واردی. آذربایجان دیلینده ماهنی بیلمه‌مه‌سی و ایفا طرزینین فارس بوغازلارینا، جنوب لادینا کؤکله‌نمه‌سی، طبیعی کی، سونرادان اونا مانعه اولوردو. آذربایجان دیلینده دانیشماسینا باخمایاراق، ماهنی اؤیره‌نمه‌مه‌سی اونو چوخ ناراحات ائدیردی. چونکی او واختادک فارس موسیقیلری ائشیتمیشدی، اونلاری ازبرلمیشدی. ائله اونا گؤره باخیش‌دا لیریک فارس ماهنی‌سی اوخویور. اما بونا باخمایاراق، چیخیشی بؤیوک ماراقلا قارشی‌لانیر.

۱۹۶۷-جی ایلده کئچیریلن فستیوال‌دا «دشتی» تصنیفینین ایفاسینا گؤره قیزیل مئدال قازانیر. ۱۹۶۸-جی ایلده عموم‌ دونیا گنجلر فستیوالینین اونلوغونا دوشور. اونا ان بؤیوک اوغور گتیره‌ن چیخیشی ایسه باکی‌دا کئچیریلن «گنجه گونلری» زامانی اولور.

«بیرینجی ماهنی‌دان سونرا زال بیر-بیرینه دیدی. آلقیشلارین آردی-آراسی کسیلمه‌دی. ایکینجی دفعه فارس ماهنی‌سی اوخودوم. بو ایفامدان دا سونرا آلقیش سسلری قولاق باتیریردی. دوز ۱۵ دقیقه چیخیش ائتدیم. الیبابا مممدوو، تیمور مصطفی‌یئو، اسلام رضایئو کیمی صنتکارلارین ایفاسینی دینلییردیم، اونلاردان اؤیره‌نیردیم. اما صحنه‌یه چیخاندا اؤزوم کیمی اوخویوردوم. هامی دا گؤردو کی، بو، یئنی سس‌دیر»، موغنی خاطره‌لرینی بؤلوشرکن بئله دئمیشدی.

رژیسور میری رضایئو ۲۰۰۷-جی ایلده اونون حیات و یارادیجیلیغین‌دان بحث ائد‌ن "یورولمامیشام" فیلمینی اکرانلاشدیریب.

رؤوشن بهجت اوزون سوره‌ن خسته‌لیکدن سونرا ۲۰۱۱-جی ایلین آوگوست آیینین ۱۹-دا دونیاسینی دییشیب.