بو گون نوبل مکافاتی لاورئاتی، نیسبی‌لیک نظریه‌سینین مؤلفی، مشهور فیزیک، گؤرکملی عالیم، آلبرت انشتینین دوغوم گونودور.

Kult.az انشتین حاقین‌دا ماراقلی فاکتلاری تقدیم ائدیر:

۱. ۱۸۷۹-جو ایلین مارتین ۱۴-ده جنوبی آلمانییانین اولم شهرینده آنادان اولان انشتین باشی یئکه، اؤزو ده کؤک بیر اوشاق اولوب.

۲. انشتین اوشاقلیغیندا دانیشماقلا باغلی پروبلم ده یاشاییب. دیلی چوخ گئج آچیلان انشتین، دیل آچیب دانیشماغا باشلایاندان سونرا دا یاواش دانیشیرمیش. انشتین ۴ یاشینا قدر دانیشا بیلمه‌ییب.

۳. انشتین ۱۵ یاشیندا ریاضی حسابلامالاردا هم‌یاشیدلاریندان فرقلنیب. بو فرق او قدر بؤیوک اولوب کی، معلملر اونون بو استعدادینا تعجبله یاناشیبلار.

۴. انشتین اوزگوچولوکدن باشقا هئچ بیر ایدمان نوعونو سئومه‌ییب. عمومیتله او، انرژی صرفیاتینا سبب اولان فیزیکی فعالیته قارشی اولوب.

۵. ۱۸۹۵-جی ایلده ۱۷ یاشلی انشتین ایسوچ فدرال پولیتکنیک اونیورسیتتینه ایمتحان وئریر. ریاضیاتدان کئچسه ده، تاریخ، خاریجی دیل و جغرافیادان کسیلیر. بیر ایل سونرا یئنی‌دن ایمتحان وئره‌رک همین عالی مکتبه داخیل اولماغی باجاریر.

۶. انشتینین شخصی مکتوبلاریندان ائولی‌لیکدن کنار بیر قیزینین اولدوغو بیلدیریلیر. ماراقلی‌دیر کی، انشتین بو اوشاغی هئچ واخت گؤرمه‌ییب.

۷. انشتین اتم بمباسینی دوزلدیر. ۱۹۳۹-جو ایلده ناسیست آلمانییاسینا قارشی هیجان تبلی چالینان زامان انشتین فیزیک لئو سیلارد ایله بیرلیکده پرزیدنت روزولته مکتوب یازاراق اتم بومباسی حاق‌دا مسئله‌دن بحث ائدیر. اونلارین مکتوبوندان سونرا روزولت گیزلی لاییحه‌سی اولان «مانهاتان»ی باشلادی. بومبا ۱۹۴۱-جی ایلده پئارل هاربوردا سیناقدان کئچیریلدی. انشتینی بو پروژه‌ده اشتراک ائتمه‌یه دعوت ائتمه‌دیلر.

۸. انشتینین ای.کیو سوییه‌سی هئچ واخت سیناقدان کئچیریلمه‌ییب. بیر چوخ اینترنت سایتلاری اونون ۱۶۰ آی کیو سوییه‌سینه صاحب اولدوغونو ادعا ائدیر، لاکین بو ادعانی تصدیقله‌مک اوچون هئچ بیر یول اولماییب.

۹. انشتین جوراب گئیینمه‌یه نیفرت ائدیردی. "من گنج اولاندا اؤیرندیم کی، آیاغین باش بارماغی همیشه جورابدا دئشیک یارادیر. اونا گؤره ده جوراب گئیینمیی دایاندیردیم"، - اؤزو دئییب.

۱۰. انشتینین جوانلیق‌دا باخیملی قارا ساچلاری وار ایدی: تا کی، اوغلو هانس ۱۹۰۴-جو ایلده آنادان اولانا قدر. اوغلونون گلیشی ایله انشتین ایشله‌مک و عائله‌سینی دولاندیرماقلا چوخ مشغول اولدوغو اوچون بربرخانایا گئتمیی دایاندیریب و او مشهور ساچ ایستیلی یارانیب.

۱۹۵۵-جی ایلده انشتینین وفاتیندان سونرا اونون بئینی چوخ یاخین قوهوملاریندان اولان توماس ایستولتز هاروی طرفیندن آلینیر. اونون بینینی خصوصی مادنین ایچینده ساخلاییبلار. سونراکی ایللرده بیین‌ده مختلیف اکسپرتیزالار آپاریب. بللی اولموشدو کی، اونون بینی نورمال بیین‌دن خیلی بؤیوکدور. اونو مقدس بیر شی کیمی قورویوب ساخلایان توماس ایستولتز سونرالار انشتینین بین‌ینی بیر اونیورسیتته باغیشلاییب.