بو گون خالقیمیز ایل‌آخیر چرشنبه‌نی قید ائدیر.

Kult.az ایلین سون چرشنبه‌سی اولان ایل‌آخیر-تورپاق چرشنبه‌سی ایله باغلی بیر سیرا عادت و اینانجلاری تقدیم ائدیر:

ایل‌آخیر چرشنبه نوروز بایرامیندان اول قید ائدیله‌ن ان طنطنه‌لی بایراملاردان بیریدیر. تورپاق چرشنبه‌سی آدلانان بو چرشنبه‌نی خالقیمیز خصوصی طمطراقلا قید ائدیر. سفره‌لر لذیذ طعملارلا بزه‌دیلیر. مختلف خالق اویونلاری، مراسملر کئچیریلیر. بو بایرام انسانلارا پوزئتیو انرژی وئریر. بو گون انسانلاردا خصوصی بیر جانلانما باش وئریر، هر کسین قلبی بایرام نشه‌سی ایله دولور.

ایل‌آخیرچرشنبه‌ده سوبای اوغلانلار اؤزلرینه گله‌جک حیات یولداشی آختارماق اوچون داها آکتیو اولورلار. پاپاق آتما مراسمینده اوغلانلار ائولرین قاپی – باجاسیندان پاپاق آتار، ائو صاحبلری ایسه بایرام تدارولکریندن اولان نعمتلردن پاپاغا قویاراق همین انسانلاری سئویندیررلر.

بو بایرام گنج قیزلارین دا سئویملی بایراملاریندان بیریدیر. اونلار ایل‌آخیر چرشنبه‌ده مختلف فاللاردان استفاده ائدر، دویونجا ایلنرلر. اساساً گله‌جک حیات یولداشلارینین کیم اولاجاغینی بیلمک آرزوسو اونلارا چوخ ذوق وئرر.

۱. بو فاللاردان ان مشهورو قولاق فالیدیر. اوریینده آرزو توتان قیزلار گیزلینجه قونشو ائولرین قاپی‌سینی پوسماغا گئدر، ایلک ائشیتدیی سؤزو آرزوسونون جوابی اولاراق یوزارلار. اونا گؤره ده چرشنبه آخشامی هامی یاخشی سؤزلر سؤیله‌مه‌یه چالیشار. چونکی هر زمان قاپینین آرخاسیندا بیرینین دایانیب، اونلارا قولاق آسا بیله‌جکلریندن خبرداردیرلار.

۲. ایل‌آخیر چرشنبه گونو قادینلار، قیزلار بیر ائوه ائوه توپلاشاراق فال مراسملرینی یئرینه یئتیریرلر. قیزلار بولاقدان، یاخود چایدان آخار سودان "لال سو" گتیریرلر. بونا اونا گؤره "لال سو" دئییرلر کی، بو سویو گتیرمه‌یه گئدن شخص سو گتیرجیی قابی الینه گؤتورندن تا سویو گتیریب ائوده، اینه سالیناجاق قابا تؤکه‌نه‌جه‌ن دینمه‌مه‌لیدیر. همین سو شر قاریشاندان سونرا گتیریلیر و بو سویو گتیرن شخص بیر نئچه آدام طرفیندن مشایعت اولونا بیلر.

سویو قابا تؤکه‌ندن سونرا ایکی اینه‌نین اوجو طرفینه بیر آزجا پامبیق دولاییر، بیرینی قیز، بیرینی اوغلان دئیه فکرده توتور (فالی آچیلان شخصلر) و هره‌سینی بیر طرفدن اصوللوجا سویا قویورلار. سونرا همین اینه‌لرین حرکتی ایله معین ملاحظه‌لر سؤیلییرلر.

قوووشاجاق آداملاردا اینه‌لر مختلف سمتلره حرکت ائتسه‌لر ده، آخیردا بیر-بیرینه یاخینلاشیب بیتیشیرلر. عکسینه اولاندا ایسه اینه‌لر او طرف-بو طرفه حرکت ائدیر و بیر-بیرینه قووشورلار. اینه سویون دیبینه چؤکورسه - ائله ایلک دفعه قویولاندا، دئمه‌لی، سو «لال سو» دئییل. سو گتیرن آدام اوستونده دانیشیب، آزی «آ» دئیه سس چیخاریب.

۳. یومورتا و قلم

آخیر چرشنبه گونو تؤوله‌نین پنجره‌سینین آغزینا (قاباغینا) بیر یومورتا، ایکی قلم– قارا و قیرمیزی قلملر قویولور. سحر همین یومورتانین اوستونده (اوزرینده) خط اولور (گویا خیدیر خط چکیر). اگر قیرمیزی قلم خط چکیلیبسه، یومورتا کیمین بختینه قویولوبسا، او خوشبخت اولاجاق. قارا قلم خط چکیلیبسه، عکسینه اولاجاقدیر.

۴. دوزلو کؤکه یئمک

آخیر چرشنبه آخشامی گئج یاتیرلار. یاتاندا ایسه اولجه‌دن حاضیرلانمیش دوزلو کؤکه یئییب یاتیرلار، سو ایچمیرلر. گئجه یوخودا (سوسوزلوقدان) سو گؤرونور: ایچمه‌یه کیمسه سو وئریر. گویا، همین سو وئرن آدام یوخو گؤرنین قسمتیدیر.

۵. یئددی اولدوز

بو فالی ایسته‌نیله‌ن واخت اجرا ائتمک اولار. یاتماغا گئدنده یئددی اولدوز ساییرلار. اولدوزلاری سایاندان سونرا بیر کلمه ده اولسا، دانیشماق اولماز. بو حال‌دا اؤز قسمتینی یوخودا گؤرورلر.

۶. شاخ کونفتی

اوللر گلین اوچون شاخ بزنردی. بو، تاختادان، داها دوغروسو، اودوندان دوزلدیلمیش و بوتون چیخینتیلارینا میخ چالینمیش کونوسواری، تخمیناً ۱-۱.۵ متر هوندورلویونده فیقور ایدی کی، بونو دا مختلف شیرنیاتلا، قوز-باداملا، میوه ایله بزییرلر. همین شاخ‌دان قوپاریلمیش کونفتی آخشام یئییب یاتاندا، گویا آدام یوخودا اؤز قسمتینی گؤرور.

۷. سوبای قیزلار بیر ائوه ییغیشیب نیشانلی قیزلارین اوزوکلرینه ساپ باغلایاراق، بیر استکانین یاریسینا قدر هوادا ساخلایارلار. بیر-بیر سوبای قیزلارین آدلاری چکیله‌رک اوزویون استکانین دیوارینا نئچه دفعه دیدیینی سایارلار. اوزوک استکانین دیوارینا نئچه دفعه دیرسه همین قیز ائله او یاشدا دا اره گئدر.