آنا صحیفه کولت |
بو گون آذربایجان کمدییاسینین اونودولماز اسملریندن اولان یازیچی، دراماتورق ثابت رحمانین دوغوم گونودور.
Kult.az ثابت رحمان حاقیندا ماراقلی فاکتلاری تقدیم ائدیر:
ثابت رحمان ۱۹۱۰-جو ایلین ۲۶ مارتیندا شکی شهرینده آنادان اولوب. ایلک تحصیلینی بورادا آلدیقدان سونرا باکیدا شایق آدینا نمونه مکتبینده اوخویوب، سونرا باکی دارالعلیمینه کؤچورولوب.
ثابت رحمانا حسین جاوید، عبدالله شایق کیمی صنعتکارلار درس دئییب. مکتبی بیتیردیکدن سونرا یئنیدن شکیه قاییداراق، واختیله اوخودوغو زحمت مکتبینه معلم تعیین اولونوب.
ادبی فعالیته ۱۹۲۶-۱۹۲۷-جی ایللرده ملا نصرالدین ژورنالیندا شیخ سامیت امضاسی ایله درج ائتدیی فلیئتونلارلا باشلاییب.
ایلک حکایهلر مجموعهسی – «پوزغون» ۱۹۳۱-جی ایلده درج اولونوب.
ثابت رحمان سناریست کیمی آذربایجان کمدییاسینین بانیسی ساییلیر. او، دونیاجا مشهور «آرشین مال آلان»، «او اولماسین، بو اولسون»، «احمد هارادادیر؟» فیلملرینین، «اولدوز» موسیقیلی کمدییاسینین سناریلرینین، «یئددی گؤزل» بالتینین لیبرتتوسونون مؤلفیدیر. ۵۰-دن چوخ حکایه، «وفاسیز»، «سون فاجعه»، «آرزولار» پووستلرینی، «نینا»، «بؤیوک گونلر» رومانلارینی یازیب.
میکاییل مشفیقله، رسول رضا ایله یاخین دوست اولوبلار.
مشفیق بارهده یازدیغی مقالهده او گونلری بئله خاطرلاییر:
«میکاییل مشفیقله بیز هم یاخین دوست ایدیک، هم ده قونشو. من داغلی محلهسینده یاشادیغیم مدتده، دئمک اولار کی، هر گون اونونلا گؤروشوردوم. اوتاغیم یولونون اوستونده ایدی. مشفیق هر سحر قارداشیگیلدن چیخاندا منیم پنجرهمین قاباغیندان کئچیب گئدیردی و طبیعی کی، پنجرهدن اوتاغیما باخمامیش اولموردو. اوتاغیمین بؤیوک، بارماقلیقسیز بیر پنجرهسی واردی، یاز-قیش اونو حیطدن هرلنیب گلمهیه تنبللیک ائلیهن دوستلاریم قاپی عوضینه ایشلدیردیلر. مشفیق ده پنجرهدن اوتاغیما آدلاییردی و بیز چوخ واخت بیر یئرده سحر یئمیی یئیردیک. مشفیق قارداشی گیلده یالنیز گئجلیردی.
منیم دونندن قالما بویات، یاوان چؤرییم و دیشلهمه چاییم اونا حالوا کیمی شیرین گلیردی. قارشیلیقلی آتماجالارلا یئییب-ایچردیک».
شکی درام تئاتری رحمانین آدینی داشیییر. باکی و شکی شهرلرینده اونون آدینا کوچه وار.
او، بستهکار امین ثابیتوغلونون آتاسیدیر.
۱۹۷۰-جی ایلین ۲۳ سنتیابریندا تئاتردا «کولکلر» کمدییاسینین مشقلری گئدرکهن، اؤزو ۶۰ ایللیک یوبیلیینه حاضیرلاشیرمیش. «کولکلر» کمدییاسینی گؤرمک اونا نصیب اولمور. ساعت ۳:۱۵-ده وفات ائدیر. ساعتی دا همین دقیقه دایانیر...
تاریخ
2024.03.26 / 13:13
|
مولف
Axar.az
|