بو گون «پیچیلداشین لپه‌لر»، «آی ایشیغیندا»، «نیننه یار» ماهنیلاری ایله میلیونلارین قلبینی قازان نرمینه محمدووانین آنیم گونودور.

Kult.az خبر وئریر کی، او، ۱۹۳۲-جی ایلده قازاخ‌دا ضیالی عائله‌سینده دونیایا گلیب. نرمینه محمدووا دوغولارکن آتاسی آغاسی محمدبیلی قازاخ رایون پارتییا کمیته‌سینین بیرینجی کاتیبی ایشلییردی. اما اصله‌ن گؤیچایدان اولوب؛ بورادا ایری تورپاق صاحبی اسماعیل بیین اوغلو ایدی. آناسی شفیقه خانیم آذربایجانین تانینمیش عائله‌لریندن اولان قیاس‌بی‌لیلر نسلیندن اولوب. چوخ کئچمیر کی، آغاسی بیی "خالق دوشمنی" اتهامی ایله حبس ائدیرلر. او حبس اولونان کیمی عائله‌نی یاشادیقلاری استقلال کوچه‌سینده‌کی گئنیش منزیللریندن چیخاریب ایچریشهرده کیچیک بیر ائوه کؤچورورلر. نرمینه‌نین اصل آدی ایسه فریده اولوب. او ایللرده چوخ اوخونان "چالی قوشو" رومانینین قهرمانینین شرفینه والیدئینلری اولادلارینین آدینی فریده قویورلار. لاکین فریده آدینین قیزینا رومانین قهرمانینین تالعینی قیسمت ائدر قورخوسو آنایا راحتلیق وئرمیر. او، قیزینین آدینی دییشدیریب نرمین یازدیریر (تدریجا، بو آد نرمینه‌یه چئوریلیر).

نرمینه ۱۳۲ سایلی مکتبده تحصیل آلیر. لاکین آتاسینین حبسی ایله باغلی مکتبدن چیخمالی اولور. ۱۳ یاشیندان اعتباراً پیونرلر ائوینه یازیلیر، مشقلرده اشتراک ائدیر، رادیودا ایشلییر. ۱۹۶۳-جو ایلده رادیونون عرب دیلینده وئریلیشلر شعبه‌سینین امکداشی سینان سعیدله بیرگه اوخودوقلاری کرکوک ماهنیلاری لنته آلینیر. باکی دولت اونیورسیتتینین (او زامانلار آدو) فیلولوگییا فاکولته‌سینه داخیل اولور و تانینمیش عالیملردن درس آلیر.

آتاسی آغاسی بی ده سورگوندن گئری قاییدیب گلیر.

نرمینه اؤز معاصری اولان دئمک اولار کی، بوتون بسته‌کارلارین – جهانگیر جهانگیرووون، توفیق قولیئوین، اشرف عباسووون، سعید روستمووون ماهنیلارینی ایفا ائتمیشدی. نرمینه‌نین اوخودوغو "پیچیلداشین لپه‌لر"، "آی ایشیغیندا"، "قرنفیل"، "ایلک خاطره‌لر"، "هارداسان یار"، "آلاگؤز"، "سرّیمی بیلمدین..." ، "هابئله"، "آمان اووچو"، کیمی ماهنیلاری بؤیوک مشهورلوق قازانیر.

او، ۶۰-جی ایللرین اوللرین‌ده نجیب بیر عائله‌دن اولان ضیالی بیر شخصله - رامیز قیاس‌بی‌لی ایله ائولنیر. بو نیکاحدان یگانه اؤولادی سئوینج (سئوینج قیاس‌بی‌لی - ایندی طب علملری دوکتورو، پروفسور) دوغولور.

کشمکش‌لی عمور یولو کئچه‌ن نرمینه محمدووا ۱۹۹۷-جی ایل مارتین ۲۷-ده اورک خسته‌لیین‌دن وفات ائدیب.