بو گون محمدعلی شاه قاجارین آنیم گونودور.

Kult.az شاه قاجار حاقین‌دا ماراق‌لی فاکتلاری تقدیم ائدیر:

محمدعلی میرز مظفرالدین شاه اوغلو ۱۸۷۲-جی ایلده تبریز شهرین‌ده آنادان اولوب. سارای تحصیلی آلمیشدی. محمدعلی میرزا تبریزین والیسی ایدی. او، هله تبریزده ولیعهد اولدوغو واخت جینایتلر و اخلاقا ضد حرکتلر ائتمیشدی. اونون بوتون بو جینایتلرینه سون قویماق اوچون تبریزلیلر عصیانا دا ال آتیرلار.

۱۹۰۶-جی ایلین سونلارین‌دا آتاسی مظفرالدین شاهین خسته‌لییی گوجله‌ن‌دی. اونون اؤلومو گؤزله‌نیردی. تهرانین ارتجاعچی حاکم اداره‌لری قاتی ارتجاچی و کؤهنه قایدالاری برپا ائتمک طرفداری اولان ولیعهد محمدعلی میرزانی تهرانی چاغیرماقلا هله مظفرالدین شاهین ساغلیغیندا کونسیتوتسییانین تصدیق ائدیلمه‌سینین قارشی‌سینی آلماغا و دسپوتیزم قورولوشونو برپا ائتمه‌یه چالیشیردیلار.

حاکمیتین محمدعلی میرزایه وئریلمه‌سی حاقین‌دا فرمانی مظفرالدین شاه دکابرین ۲۰-ده امضالادی. محمدعلی شاه آتاسینین وفاتیندان سونرا، ۱۹۰۷-جی ایلده تاختا ایلشدی. او، قارشیسینا انقلابی یاتیرماق، انجمن و فدای دسته‌لرینی لغو ائتمک مقصدینی قویور. بونا جواب اولاراق ۱۹۰۷-جی ایلین فورالین ۸-ده تبریزده عصیان باش وئردی. عصیان‌چیلار شاهین جانشنینی و اونون مأمورلارینی حبس ائد‌رک حاکمیتی اله کئچیردیلر. تئزلیکله عصیان ایرانین دیگر ایالتلرینه ده یاییلیر. بئله بیر شرایط‌ده شاه کونستیتوسییانی برپا ائتمه‌یه و مجلیسین چاغیریلماسینی وعد ائتمه‌لی اولور.
بو واختدان باشلایاراق تبریز ۱۹۰۵–۱۹۱۱-جی ایللر ایران انقلابینین مرکزینه چئوریلیر. تبریزده دموکراتیک دییشیکلیکلر حیاتا کئچیریلیر. شاه مأمورلاری وظیفه‌لریندن آزاد اولونور، یئنی تیپلی دونیوی مکتبلر آچیلیر، "انجمن"، "مساوات" و "تبریز" کیمی دموکراتیک یؤنلو قزئتلر نشر اولونماغا باشلانیر.

آرتیق ۱۹۰۷-جی ایلین دکابریندا شاه رژیمی یئنی‌دن انقلابی بوغماغا جهد ائدیر. بونا جواب اولاراق، آذربایجان انجمنی محمدعلی شاهین تاخت‌دان دئوریلمه‌سینی اعلان ائدیر. ۱۹۰۸-جی ایلین مای-ایون آیلاریندا شاه انقلابی یاتیرماق مقصدیله خاریجی اؤلکه‌لرین حربی قوه‌لرین‌دن استفاده ائتمه‌لی اولور. همین ایلین ایونون ۲۳-ده تبریزده یئرلشدیریلمیش روس کازاک بریگاداسی یئرلی اهالییه قارشی جزا تدبیرلری گؤرمه‌یه باشلاییر. عینی زامان‌دا شاه اوردوسو دا تبریزه یوروش ائدیر. یئرلی انقلابی قوه‌لره ستار خان و باقر خان رهبرلیک ائدیردی. اونلار نینکی تبریز و آذربایجان‌دا، هم ده بوتون ایران دولتین‌ده بؤیوک حرمت و نفوذا مالیک اولان شخصلر ایدی. اونلارین باشچیلیق ائتدیی حربی دسته‌لر ۱۹۰۸-جی ایلین ایون آییندا شاه اوردوسو اوزرینده قلبه چالدی. همین ایلده شاه اوردوسو تبریزی اله کئچیرمک اوچون ایکی دفعه ده جهد ائتدی. لاکین هر ایکی جهد اوغورسوزلوقلا نتیجه‌لندی. ایران انقلابی دونیانین بوتون ترقی‌پرور قوه‌لری طرفیندن دستکله‌نیردی. شمالی آذربایجانین دموکراتیک دایره‌لری ایران انقلابچیلارینا مادی و معنوی یاردیم گؤستریردیلر. ۱۹۰۹-جو ایلین یانواریندا شاه اوردوسو دؤردونجو دفعه تبریزی محاصره‌یه آلدی. شاه رژیمینه روسییا و بریتانییا امپرییالاری حربی و مالیه یاردیمی گؤستریردیلر. نتیجه‌ده ۱۹۰۹-جو ایلین آپرلین ۲۹-دا روس اوردوسو تبریزی اله کئچیره بیلدی.

۱۹۰۹-جو ایلین ایونون‌دا محمدعلی شاه تاختدان دئوریلدی.