بو گون خالق آرتیستی تلمان آدی‌گؤزلووون آنیم گونودور.

Kult.az بو مناسیبتله آکتیور حاقیندا ماراقلی فاکتلاری تقدیم ائدیر:

اصلن اوردوباددان اولان تلمان آدی‌گؤزلوو ۱۹۵۳-جو ایل ایولون ۱۷-ده بالاکنده آنادان اولوب.

مکتب‌ده اوخویارکه‌ن آکتیورلوق کورسلاریندا اشتراک ائتمه‌یه باشلاییب. ۱۹۷۵-جی ایلده آذربایجان دولت اینجه‌صنعت اینستیتوتونون درام و کینو آکتیورلوغو فاکولته‌سینی بیتیریب، عادیل اسگندرووون طلبه‌سی اولوب.

۱۹۸۰-جی ایلدن آکادمیک ملی درام تئاتریندا فعالیته باشلایان آکتیور تئاتر صحنه‌سین‌ده «دلی ییغینجاغی»، «خورشید بانو ناتوان»، «ماهنی داغلاردا قالدی»، ماقبت»، «ایبلیس»، «واقیف»، «نیشان‌لی قیز»، «منیم سئویم‌لی دلیم» «هله سئویرم دئممیش‌دیلر» تماشالارین‌دا ماراقلی روللار ایفا ائدیب.

آکتیورلا باغلی ان چوخ یاییلان شایعه‌لردن بیری ایسه اونون دیشلرینی دوزلت‌دیرمه‌یه پولونون اولماماسیدیر. لاکین دئیی‌لنه گؤره آکتیور بیر دفعه دیش حکیمینده اونا اینه وورولاندان سونرا حالی پیسلشیب بوغولور. بوندان سونرا اوندا دیش حکیمینه قارشی فوبیا یارانیر.

دئیی‌لنه گؤره آکتیور چوخ کورک اینسان اولوب. خصوصیله، آد گونلرینده چوخ کؤورلیرمیش. حساس اولدوغو اوچون یاشینین اوستونه بیر یاش دا گلنده غم‌لنیب.

حیات یولداشی بوللوره خانیملا ائله بالاکنده قونشو اولوبلار. او واختدان دا گئدیش-گلیشلری اولوب. تلمان بوللوره خانمی سئویب، بینیب. سونرالار رایونا گئدنده یئنی‌دن گؤروشوب عائله قورماغا قرار وئریبلر.

آکتیور جوان یاشدا دونیاسینی دییشدییندن نه اوغلونون، نه ده قیزینین تویونو گؤرمک اونا قیسمت اولمور.

اینسانلارا کمک ائتمیی سئون آدام اولوب. آکتیور تئاتر و کینو ایله یاناشی عائله‌سینی دولاندیرا بیلمکدن اؤترو هم ده تویلارا تامادا گئدیردی. اما بو زامان چوخ اوتانیب، اذیت چکیب.

تلمان آدی‌گؤزلوو ۵۷ رقمیندن دهشتلی درجه‌ده قورخوب. حتی بونا گؤره آوتومبیلینین ۵۷ ایله بیتن نمره نشانینی دییشیب. لاکین آکتیورون آمانسیز اور‌یه دامماسی اؤزونو دوغرولدوب. او، ۵۷ یاشیندا دونیاسینی دییشیر.

آکتیور پال-پالتارا چوخ پول خرجلمیی، چوخ باهالی گئییملر، خصوصیله کراوات، کمر و آیاق‌قابی آلماغی چوخ سئویب. خنجر-بیچاق کولکسییاسی اولوب. بیچاق ییغماغی چوخ سئویب.

آکتیورون اؤلومو هامی کیمی عائله‌سی اوچون ده گؤزلنیلمز اولوب. گئجه ساعتلارین‌دا عائله عضولری اونون خیریلتیلی سسینی ائشیدیبلر. ایکی دفعه آرد-آردا تعجیلی یاردیم چاغیریلیر. گلن حکیم ایسه دئییر کی، اوریی دایانیب. آکتیورا الکتروشوک وئریلیر. بیر نئچه دقیقه‌دن سونرا آکتیور کئچینیر.

اوغلو تورال مصاحیبه‌لرینین بیرینده دئییر: «یقین کی آتام غیری-پشه‌کارلیغین قربانی اولدو. چونکی سونرادان باشقا حکیملر بیزه دئدیلر کی، اینفارکت کئچیره‌ن آداما الکتروشوک وئرمک اولمازمیش. نه بیلیم...»

تلمان آدی‌گؤزلوو ۱۵ آپرل ۲۰۱۰-جو ایلده ۵۶ یاشیندا اورک چاتیشمازلیغیندا وفات ائدیب. او، فاتماییداکی کند قبریستانلیغیندا تورپاغا تاپشیریلیب.