چوخ زامان عصبی اولاندا دیلیمیزده بیر ایفاده ایشلدیلیر: «آندیرا قالاسان». بس، بو "آندیر" ندیر؟

Kult.az «بئله یارانیب» روبریکاسیندا بو ایفادنین یارانما تاریخچه‌سینی تقدیم ائدیر:

آندیر سؤزو "آنی‌دیر" سؤزوندن یارانیب، یعنی خاطره‌دیر. اؤلن آدامدان قالان، اونو آندیران گئییملری اوللر قدیم تورکلر «آنی‌دیر» دئییب، ائوین بیر گوشه‌سینده ساخلایاردیلار. سونرالار اؤلنین پالتارلارینی، اشیالارینی خئیرییه مقصدیله امکانسیز اینسانلارا باغیشلاماغا باشلادیلار.

هانسی‌سا بیر اشیایا «آندیرا قالسین» دئمک، اصلینده، اونون "ییه‌سی اؤلسون"، "صاحبسیز قالسین" قارغیشینی ائتمکدیر.

«آندیر»آ بعضی بؤلگه‌لریمیزده "سووخا" دا دئییرلر. «سووخایا قالماق» سؤزونو ائشیتممیش اولمازسینیز.

"آندیر"، "سووخا" اؤلن آدامدان گئرییه قالان میراثدیر.