یوخاری

قوچولار اؤلدورمک ایسته‌دی، اوزئییر بی اؤلوم‌دن خلاص ائتدی :فیلم کیمی حیات

آنا صحیفه کولت
12 Punto 14 Punto 16 Punto 18 Punto

بو گون آذربایجانین ایلک پشه‌کار قادین اوپرا ایفاچی‌سی، اس.اس.ار.ای خالق آرتیستی شوکت مممدووانین دوغوم گونودور.

Kult.az شؤوکت مممدووا ایله باغلی ۸ فاکتی تقدیم ائدیر:

۱. شوکت مممدووا گرجستانین تیفلیس شهرین‌ده ۱۸ آپرئل ۱۸۹۷-جی ایلده پینه‌چی عائله‌سینده آنادان اولوب. آتاسی آلتی یاشین‌دا اونون موسیقییه اولان ماراغینی گؤرور. بو سبب‌دن بیر نئچه ایلدن سونرا - ۱۹۱۰-جو ایلده خیرییه‌چی حاجی زین‌العابدین تاغییئوین دستییله اونو باکیا گؤندریر.

۲. ننه‌سی ایله باکییا گلن شوکت ۱۹۱۱-جی ایلده زین‌العابدین تاغییئو و حیات یولداشی سونا خانیمین کمکی ایله ایتالییانین میلان شهرینده‌کی موسیقی مکتبینه داخیل اولور.

۳. تاغییئو میلان‌دا تحصیل آلان شوکته هر آی خصوصی تقاعد گؤندریردی. لاکین بیر ایل سونرا باره‌سینده مختلیف شایعه‌لر یاییب، شوکت خانمی حاجینین گؤزوندن سالیرلار.

۴. شوکت مممدووا ۱۹۱۲-جی ایلده اوزییر حاجی‌بی‌لی ایله تانیش اولور. همین ایل ایلک دفعه پئشه‌کار ایفاچی کیمی باکینین تاغییئو تئاتریندا اوزئییر حاجی‌بیلینین «ار و آرواد» اوپرتتاسیندان بیر نئچه پارچا ایفا ائدیر.

۵. شوکت مممدووانین صحنه‌یه اؤرتوکسوز چیخماسی باکینین مسلمان ایجماسینی خیلی غضبلندیریر. حتی قوچولار شوکت مممدووانی اؤلدورمک ایستییرلر، آنجاق اوزییر حاجی‌بی‌لی و دوستلاری اونو آبشرون کندلرینین بیرینده گیزله‌دیر. داها سونرا موغه‌ننی گیزلین یوللا بیلجری ایستانسییاسیندان تیفلیسه یولا سالینیر. شوکت مممدووا ائله تیفلیس‌ده موسیقی تحصیلینی داوام ائتدیریر.

۶. ۱۹۱۵-جی ایلده کیئو کنسرواتورییاسیندا تحصیل آلارکن مشهور بسته‌کار رینهولد قلیر ایله بیرلیکده وئردیی کنسرتلرده هم کلاسیک آوروپا اوپرالاریندان آرییالار، هم ده آذربایجان خالق ماهنیلاری ایفا ائدیر. کنسرت‌دن سونرا شوکت مممدووانین تشببوسو ایله آذربایجانا گلن رینقولد قلیر باکی سفریندن بهره‌لنه‌رک «شاه‌سنم» اوپراسینی یازیر و اثری شوکت مممدووایا اتحاف ائدیر.

۷. کیئوده اوخودوغو مدتده موغه‌ننی میلاندا تانیش اولدوغو مهندیس یاکوو لیوبارسکی ایله عائله حیاتی قورور.

۸. شوکت مممدووا آذربایجان موسیقی مدنیتینین انکشافین‌داکی خیدمتلرینه گؤره ایکی دفعه «لنین»، ایکی دفعه «قیرمیزی امک بایراغی» و «شرف نشانی» اوردنلری ایله تلطیف ائدیلیب. ۱۹۳۸-جی ایلده ایسه اس.اس.ار.ای خالق آرتیستی فخری آدینا لاییق گؤرولوب.

قید ائدک کی، گؤرکملی اوپرا اوستاسی ۸ ایون ۱۹۸۱-جی ایلده ۸۴ یاشیندا باکی‌دا وفات ائدیب. مزاری فخری خیاباندادیر. اؤلوموندن سونرا آذربایجان دولت کنسرواتورییاسی یانیندا اوپرا ایستودییاسینا اونون آدی وئریلیب.

تاریخ
2024.04.18 / 16:43
مولف
Axar.az
شرح لر
دیگر خبرلر

ستار سوقی دونیاسینی دییشدی

پاریسدن اینانیلماز: باکی‌نین گوجونون اعترافی، هم ده بو جور؟..

"تیق-تیق خانیم"-آذربایجان دیلین‌ده جیزگی فیلمی

شهیدیمیزدن بحث ائد‌ن کلیپ چکیلدی –ویدئو

قاراباغین مشهور معلملرین‌دن عبدالرحیم بی حاقوئردیئو…

"قوردلار وادیسی"نین آکتیورو علیئوه مراجعت ائتدی - ویدئو

‌ چینگیز مهدی‌پورون شوشادا ایفاسی گونئیده ماراقلا قارشیلاندی

بو تورک اؤلکه‌سینده آذربایجان بین‌الخالق مدنیت مرکزی آچیلدی

هانسی تروزلری تانیییرسینیز؟ بیرلیک‌ده اؤیرنک!- آذربایجان دیلینده جیزگی فیلمی

تورکلرین سیرلی میوه‌سی: قیزیل آلما نه دئمک‌دیر؟

خبر خطّی
Axar.az'da reklam Bağla
Reklam
Bize yazin Bağla