هر فرازولوژی افاده‌نین، ائل مثلینین آرخاسیندا مطلق اونودولموش بیر فاکت دایانیر.

Kult.az-این «بئله یارانیب» روبریکاسین‌دا بو گون تقدیم ائدجیی معلومات «هفته سککیز، من دوققوز» افاده‌سی حاقین‌دادیر.

بو مثل قدیم‌ده بیر چوخ خالقلارین استفاده ائتدیی ۸ گونلوک ایش هفته‌سین‌دن قایناقلانیر.

ایندی استفاده ائتدییمیز ۷ گونلوک هفته‌نین تاریخچه‌سی «بیبلییا»یا و قدیم یهودی عنعنه‌لرینه اساس‌لانیر. قدیم سومرلر و بابیللر ده ۷ گونلوک هفته‌دن استفاده ائدیردیلر.

قدیم رومالیلار اتروسکلار ایسه هفته‌نی ۸ گون حسابلاییردیلار. ۷ گون ایش گون اولوردو، ۸-جی گون ایسه بازار ( آلیش-وئریش گونو) اعلان ائدیلیردی. بازارا گئتمک بایرام ساییلیر، اینسانلار اوست-باشلارینی سلیقه‌یه سالیردیلار.

قدیم رومادا بازار گونلری سونرالار بؤیوک قوناق‌لیقلارلا دا دقت چکمه‌یه باشلادی. هفته‌نین سککیزینجی گونلرینی مطلق شکیل‌ده بایراما چئویره‌نلر داها بختیار خوشبخت، آرسیز، دردسیز-غم‌سیز آداملار ساییلیردیلار. «هفته سککیز، من دوققوز» دئینده بیر آدام اوچون هفته‌نین سونو دا، اولی ده بایرام‌دیر دئمک باشا دوشولوردو. «تئز-تئز بایرام ائدیر» معناسیندا ایشلدیلیردی. سونرادان بیر قدر ایرونیک معنا آلاراق، تئز-تئز تکرارلانان بوتون حادثه‌لر باره‌ده بو ایفاده ایشلدیلمه‌یه باشلادی.