بو گون تانینمیش تارزن بهرام منصورووون آنیم گونودور.

Kult.az بو مناسیبتله اونون حاقین‌دا ماراقلی فاکتلاری تقدیم ائدیر:

بهرام منصوروو ۱۹۱۱-جی ایل فورالین ۱۲-ده باکی‌دا، ایچریشهرده موسیقی‌چی عائله‌سینده آنادان اولوب. ایلک تحصیلینی مدرسه‌ده، سونرا ایسه روس-تاتار مکتبینده آلیب.

۱۹۳۱-جی ایلده اوزییر حاجیبیوو و مسلم ماقومایئوین تشببوسو ایله خالق موسیقی آلتلرینین ایلک نوتلو اورکسترینه دعوت اولونوب و تار ایفاچیسی کیمی ایشه گؤتورولوب.

بهرام منصورووون باباسی مشهدی ملیک دورونون آچیق فکرلی شخصلریندن بیری، هم ده استعدادلی موسیقی‌شناس، ماهر چالغیچی ایدی.

ایلک دفعه یونسکو-دا آذربایجان مغاملارینی تمثیل ائد‌ن موسیقی‌چی محض بهرام منصوروو اولوب.

«او اولماسین، بو اولسون» فیلمینده‌کی توی صحنه‌سینده‌کی تارزن رولونو بهرام منصوروو جانلاندیریب. فیلم‌ده او، بؤیوک مغام اوستادی خان شوشینسکینی مشایعت ائدیب.

دئیی‌لنه گؤره، بهرام منصورووون آدی ساغلیغیندا بیر نئچه دفعه فخری آد سیاهیسیندان چیخاریلیب. بو سبب‌دن بیر نئچه دفعه انفارکت دا کئچیریب.

بیر دفعه بهرام منصوروو تصادفاً ایشه - فلارمونییایا گلمه‌ییب. بهرام منصورووون گئجیکمه‌سینی آغلینا گتیرمه‌یه‌نین بیری دئییب کی، کیشی یقین وفات ائدیب. بو یقین صحبتی آغیزدان-آغیزا حقیقت کیمی یاییلیب. کولکتیو ییغیشیب گئدیبلر بهرام منصورووگیله. شاگیردی سرور ابراهیموو قاپینی دؤیوب. قاپینی اونون اوزونه بهرام منصورووون اؤزو آچیب، اولجه یئرینده دونان سرور بیردن باشلاییب آغلاماغا. اوستاد هئچ نه باشا دوشمه‌ییب. سرورین اشاره‌سی ایله پنجره‌دن حیطه بویلانان‌دا مسئله‌نی آنلاییب. همین گون بهرام منصوروو چاغیریلمامیش قوناقلارا رستوراندا قوناقلیق وئریب.

قیرخ یاشی اولاندا اوغلو ائلدار دونیایا گلیب. اوغلونون دوغولماسینا گؤره چوخ سئوینه‌ن تارزن سئوینجینی بو سؤزلرله ایفاده ائدیب: ائله بیل دونیایا ایکینجی دفعه گلمیشه‌م.

حیات یولداشینی چوخ سئویب. خانمی اوندان محض اونون اوچون سگاه ایفا ائتمه‌سینی آرزولاییب. بهرام معلم اونون بو آرزوسونو یئرینه یئتیریب، خانیمینین آرزولادیغی سه‌گاهی تاردا ایفا ائد‌رک لئنته یازدیریب.

اؤلوموندن ایکی هفته اول حکیملر اونا تعجیلی عملیات تعیین ائدیبلر.
بهرام منصوروو عملیات‌دان ساغ چیخسا دا، سونرادان وضعیتی پیسلشیر و ۱۹۸۵-جی ایل مایین ۱۴-ده دونیاسینی دییشیر. یاسامال‌داکی کهنه قبیریستانلیقدا دفن اولونور.